2022 جىلعى 19 قازاندا رەسپۋبليكا كۇنى اياسىندا الماتى قالاسى رەسپۋبليكالىق دوستىق ءۇيى قىزمەتىن قامتاماسىز ەتۋ باسقارماسى مەن الماتى قالاسى مەدەۋ اۋدانى بىرلەسە وتىرىپ شاحماتتان ارداگەرلەر اراسىندا تۋرنير وتكىزدى.
ءتۋرنيردىڭ ماقساتى – ارداگەرلەر اراسىندا سالاۋاتتى ءومىر سالتىن جانە شاحمات سپورت ءتۇرىن ناسيحاتتاۋ، زياتكەرلىك سپورت تۇرلەرىنە دەگەن قىزىعۋشىلىقتى ارتتىرۋ.
شاراعا مۇرىندىق بولعان مەدەۋ اۋداندىق ارداگەرلەر كەڭەسى.
ويىن قورىتىندىسى بويىنشا جەڭىمپازدارعا مەدەۋ اۋداندىق ارداگەرلەر كەڭەسى باسشىسى كامالوۆ باحتيار ارنايى سىيلىقتار تابىستاپ، العىس حاتپەن ماراپاتتادى.
رەسپۋبليكالىق دوستىق ءۇيى اتىنان «احىسكا» تۇرىك ەتنومادەني ورتالىعى ۇسىنعان «ارمان» كينوتەاترىندا وتەتىن 7ء-شى تۇرىك كينو اپتالىعىنا بەس بيلەت تابىستالدى.
پىكىر قالدىرۋ