رەسەي ازاماتىنىڭ ۇستىنەن پوليسيا قىزمەتكەرىنە پارا بەرۋگە تىرىسقانى ءۇشىن قىلمىستىق ءىس قوزعالعان. بۇل تۋرالى Polisia.kz پورتالى حابارلادى.
8 قاراشادا اقتوبەنىڭ ىرگەسىندەگى زارەچنىي ەلدى مەكەنىندە جول ەرەجەسىن بۇزعانى ءۇشىن 56 جاستاعى جۇرگىزۋشىنىڭ باسقارۋىنداعى Volvو FN جۇك اۆتوكولىگى توقتاتىلعان. جۇرگىزۋشى جول بەلگىلەرى تالابىن ساقتاماعانى ءۇشىن اكىمشىلىك جاۋاپكەرشىلىكتەن قۇتىلۋ ءۇشىن پوليسياعا پارا ۇسىنعان.
پوليسيا قىزمەتكەرى اقشادان باس تارتىپ، سىبايلاس جەمقورلىق قىلمىسى تۋرالى ءوزىنىڭ تىكەلەي باسشىلىعىنا جانە وزىندىك قاۋىپسىزدىك باسقارماسىنا حابارلاعان.
قازىرگى ۋاقىتتا اتالعان فاكتى بويىنشا ق ر قك-نىڭ 367-بابىنىڭ 1-بولىگىمەن (پارا بەرۋ) بويىنشا سوتقا دەيىنگى ءىس قوزعالىپ، تەرگەۋ ارەكەتتەرى جۇرگىزىلىپ جاتىر.
پىكىر قالدىرۋ