17 قاراشادا "قازاقمىس" كورپوراسياسىنىڭ كەن ورنىندا ەر ادامنىڭ ءمايىتى تابىلدى. 40 جاستاعى ەر ادامدى پىشاقتاپ ولتىرگەن.
ءمايىت "قازاقمىس" كورپوراسياسىنا قاراستى "جومارت" كەنىشىنەن تابىلدى. وسكەمەندىك شاحتەر اتالعان كەنىشكە ىس-ساپارمەن جىبەرىلگەن.
"قايتىس بولعان ادام "قازاقمىس" جۇمىسكەرى ەمەس. وسكەمەن قالاسىنىڭ مەردىگەر كومپانياسىنىڭ جۇمىسكەرى. وقيعا شاحتانىڭ استىندا ەمەس، جەر بەتىندە بولعان" دەيدى "قازاقمىس حولدينگ" ج ش س قوعامدىق بايلانىس جانە كوممۋنيكاسيالار دەپارتامەنتى باسپا ءسوز قىزمەتىنىڭ جەتەكشىسى دارحان مۇحان.
اتالعان جايتقا بايلانىستى ق ر قك 99-بابىنىڭ 1-بولىگى (كىسى ءولتىرۋ) بويىنشا تەرگەۋ باستالعان. پوليسيا قىزمەتكەرلەرى جەدەل-ىزدەستىرۋ ءىس-شارالارى جۇرگىزىلىپ جاتقانىن حابارلادى.
"17 قاراشادا كەنىش اۋماعىنان زورلىق-زومبىلىق بەلگىسى بار 40 جاستاعى ەر ادامنىڭ ءمايىتى تابىلدى. ءقازىر پوليسەيلەر كۇدىكتىلەردى ىزدەستىرۋ ۇستىندە. وقيعانىڭ ءمان-جايى انىقتالىپ جاتىر" دەپ حابارلادى ۇلىتاۋ وبلىسى پد باسپا ءسوز قىزمەتكەرلەرى.
پىكىر قالدىرۋ