قازان ايىندا ءبىرىنشى ساناتتاعى جۇمىرتقانىڭ باعاسى ءبىر ايدا 6،3%، ءبىر جىلدا 14،8% قىمباتتاعان. بۇل تۋرالى ەnergyprom پورتالى حابارلادى.

سوڭعى ايداعى ەڭ جوعارى ققىمباتشىلىق ۇلىتاۋ وبلىسىندا تىركەلگەن. ول جەردە جۇمىرتقا ءبىر ايدا بىردەن 19،8 پايىزعا وسكەن. ودان كەيىن پاۆلودار (14،7% قىمباتتادى) جانە قىزىلوردا (13،6% قىمباتتادى) وبلىستارى. باعانىڭ ەڭ از ءوسىمى الماتى وبلىسىندا تىركەلدى (0،4%). 20 وبلىستىڭ ىشىندە باعا اي سايىنعى ديناميكا بويىنشا تەك الماتىدا وزگەرگەن جوق.

جىلدىق ديناميكا بويىنشا جۇمىرتقا قىزىلوردا وبلىسىندا 52،2%، قوستاناي وبلىسىندا 34،1%، باتىس قازاقستان وبلىسىندا 32،5%-عا قىمباتتاعان. بۇل رەتتە باعا الماتىدا، كەرىسىنشە، 4%، جەتىسۋ وبلىسىندا 0،4% تومەندەگەن. 

2022 جىلعى قاڭتار-قىركۇيەك ارالىعىندا ەلدە جۇمىرتقا ءوندىرىسى 3،8 ملرد دانانى قۇرادى، بۇل – ءبىر جىل بۇرىنعىدان 5،3% ارتىق.

وڭىرلەر بويىنشا سولتۇستىك قازاقستان وبلىسى كوش باستاپ تۇر: ءوندىرىس 40،7% كوبەيىپ 559،9 ملن داناعا جەتتى. ودان كەيىن اقمولا (555،5 ملن جۇمىرتقا، 7،4% ازايعان) جانە قاراعاندى (472،9 ملن جۇمىرتقا، 2% ازايعان) وبلىستارى تۇر.

بيىلعى قاڭتار–تامىز ايلارىنىڭ قورىتىندىسى بويىنشا، جەرگىلىكتى كاسىپورىندار سۇرانىستى 96،3 پايىزعا قامتاماسىز ەتكەن. يمپورت تيىسىنشە رەسۋرستاردىڭ 3،7%-ىن قۇراعان. جىل باسىنان بەرى ەلگە 130،8 ملن دانا جۇمىرتقا اكەلىنگەن.