موڭعوليانىڭ ۇلان باتىر قالاسىندا حالىق نارازىلىققا شىقتى. حالىق تولقۋىنا شەنەۋنىكتەردىڭ ءىرى كولەمدە ۇرلانعان كومىردى قىتايعا ساتىلىمعا شىعارۋى سەبەپ بولعان، دەپ جازادى informburo.kz پورتالى.

موڭعولياداعى اقش ەلشىلىگىنىڭ رەسمي حابارلاماسى بويىنشا، نارازى حالىق 4 جەلتوقساندا سۋحە-باتىر الاڭىنا جينالعان. ولاردى ۇكىمەت ۇيىنە قاراي بارا جاتقان كەزدە پوليسەيلەر توقتاتقان. 5 جەلتوقساندا حالىق قايتادان جينالا باستاعان. 

"بۇگىن قالا ورتالىعىنا حالىق كوپ جينالىپ، پوليسيانىڭ قاتىسادى، كولىك قوزعالىسى بۇزىلادى دەپ كۇتىلىپ وتىر. كوپشىلىك جەرگە بارماي، ءوز قاۋىپسىزدىگىڭىز ءۇشىن ساقتانىپ ءجۇرىڭىز"، دەپ جازىلعان اقش ەلشىلىگىنىڭ حابارلاماسىندا. 

Facebook الەۋمەتتىك جەلىسىندە حالىقتىڭ ۇكىمەت ءۇيىن باسىپ الىپ جاتقان ءساتىنىڭ ۆيدەوسى جاريالاندى. 

Centralasia.media سايتىنىڭ حابارلاۋىنشا، نارازى حالىق قىتايعا ساتىلعان كومىردىڭ كوپ بولىگى ۇرلانعان دەپ وتىر. 44 تريلليون تۋگريك نەمەسە 12،9 ميلليارد دوللار كولەمىندە زالال كەلگەنىن ايتقان حالىق بۇل ۇرلىققا قاتىسى بار موڭعول ساياساتكەرلەرىنىڭ ءاتى-جونىن اتاۋدى تالاپ ەتىپ وتىر.