پرەزيدەنت جارلىعىمەن قاراعاندى قالاسىنىڭ اكىمى بولىپ كەلگەن ەرماعانبەت قابدۇل ۇلى بولەكپايەۆ قاراعاندى وبلىسىنىڭ اكىمى لاۋازىمىنا تاعايىندالدى. 

بۇعان دەيىن وبلىستى باسقارىپ كەلگەن جەڭىس قاسىمبەك باسقا قىزمەتكە اۋىسقانى، جوعارىلاعانى نە تومەندەگەنى تۋرالى اقپارات ازىرگە جوق. قاسىمبەك اكىم لاۋازىمىنا ۇسىنىلعان كانديداتتار اراسىندا دا بولمادى.

ال ەرماعانبەت بولەكپايەۆ وسى ءوڭىردىڭ تۋماسى. 1975 جىلى 2 قىركۇيەكتە قاراعاندى وبلىسى شەت اۋدانى وسپەن اۋىلىندا دۇنيەگە كەلگەن. 1996 جىلى ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ ەكونوميكا فاكۋلتەتىن بىتىرگەن.

ق ر مەملەكەتتىك قىزمەت ىستەرى اگەنتتىگىنىڭ قاراعاندى، وڭتۇستىك قازاقستان وبلىستارى جانە استانا قالاسى بويىنشا باسقارماسى اۋماقتىق باسقارماسىنىڭ باستىعى-تارتىپتىك كەڭەسىنىڭ ءتوراعاسى قىزمەتىن اتقارعان.

ءار جىلدارى استاناداعى «سارىارقا»، «الماتى» جانە «ەسىل» اۋداندارىنىڭ اكىمى، پرەزيدەنت اكىمشىلىگىنىڭ مەملەكەتتىك ينسپەكتورى، قاراعاندى وبلىسى اكىمىنىڭ ورىنباسارى بولعان. 

سوڭعى قىزمەتى – قاراعاندى قالاسىنىڭ اكىمى. وعان 2020 جىلعى قىركۇيەكتە تاعايىندالعان.