جاقىپ اسانوۆ جوعارعى سوت ءتوراعاسى قىزمەتىنەن بوساتىلىپ، ونىڭ ورنىنا اسلامبەك مەرعالييەۆ سايلاندى.
بۇعان دەيىن قاسىم-جومارت توقايەۆ جوعارعى سوت ءتوراعاسى لاۋازىمىنا اسلامبەك مەرعالييەۆتىڭ كانديداتۋراسىن ۇسىنعان بولاتىن. سەناتورلار اسلامبەك مەرعالييەۆتىڭ كانديداتۋراسىن ماقۇلدادى.
مەرعالييەۆ 1972 جىلى پاۆلودار وبلىسىندا دۇنيەگە كەلگەن. ول قازاقستاننىڭ سوت جۇيەسىندە 20 جىلدان استام قىزمەت ەتىپ كەلەدى. پاۆلودار قالالىق سوتى، ەكىباستۇز سوتى، سولتۇستىك قازاقستان وبلىستىق سوتى جانە قوستاناي وبلىستىق سوتىنىڭ ءتوراعاسى قىزمەتتەرىن اتقارعان. 2020 جىلدىڭ جەلتوقسانىنان بۇگىنگە دەيىن اقتوبە وبلىستىق سوتىنىڭ ءتوراعاسى بولىپ قىزمەت اتقارى كەلگەن.
رەسمي اقپاراتتا جاقىپ اسانوۆ قىزمەتتەن باسقا جۇمىسقا اۋىسۋىنا بايلانىستى كەتكەنى ايتىلادى.
پىكىر قالدىرۋ