قازگيدرومەت 10-12 جەلتوقسان كۇندەرىنە ارنالعان اۋا رايى بولجامىن جاريالادى. سينوپتيكتەردىڭ بولجامىنشا، ەل اۋماعىنىڭ باسىم بولىگىندە اۋا رايى قۇبىلمالى بولادى، قار جاۋادى.
تەك ەلىمىزدىڭ باتىسى، وڭتۇستىگى مەن ورتالىعىندا كۇن اشىق بولادى دەپ بولجانىپ وتىر. رەسپۋبليكانىڭ سولتۇستىك-باتىسىندا، سولتۇستىگىندە، شىعىسىندا بۇرقاسىنداتىپ، جەل كۇشەيەدى، وڭتۇستىك جانە وڭتۇستىك-شىعىستا تۇمان تۇسەدى.
باتىس قازاقستاندا اۋا تەمپەراتۋراسى تۇندە -7-20 گرادۋستان -5-15 گرادۋسقا دەيىن، سولتۇستىك-باتىستا -18-30 گرادۋستان -12-22 گرادۋسقا دەيىن، سولتۇستىكتە -17-30 گرادۋستان -10-26 گرادۋسقا دەيىن، ورتالىقتا -20-30 گرادۋستان -18-28 گرادۋسقا دەيىن، ەلىمىزدىڭ شىعىسىندا -15-35 گرادۋستان -12-25 گرادۋسقا دەيىن، وڭتۇستىكتە -10-30 گرادۋستان -7-20 گرادۋسقا دەيىن اۋىتقيدى. ەلدىڭ وڭتۇستىك-شىعىسىندا تۇندە -12-25 گرادۋس اياز كۇتىلۋدە.
پىكىر قالدىرۋ