استانا قالاسىنىڭ اكىمى جەڭىس قاسىمبەك ەلوردا تۇرعىندارىنا ۇندەۋ جولدادى، دەپ حابارلايدى قالا اكىمدىگىنىڭ رەسمي سايتى. جاڭا اكىم قالانى ودان ءارى جايلى دا قولايلى ەتۋ ءۇشىن جۇدىرىقتاي جۇمىلىپ ەڭبەك ەتەتىنىن اتاپ ءوتتى، دەپ جازادى sputnik.kz.
"قازىرگى ۋاقىتتا دۇنيە جۇزىندەگى مەگاپوليستەردىڭ الدىندا جاڭا جاھاندىق سىن-قاتەرلەر مەن مىندەتتەر تۇر. استانا دا سولاردىڭ قاتارىندا. ەكونوميكالىق كورسەتكىشتەر، كاسىپكەرلىكتى دامىتۋ، ينفراقۇرىلىم، قولجەتىمدى الەۋمەتتىك قىزمەتتەر – ءوز جۇمىسىمىزدا قالا ءومىرى ءۇشىن ماڭىزى زور بارلىق سالانى قامتيمىز"، - دەدى ول.
اكىمنىڭ ايتۋىنشا، قالا تۇرعىندارىنىڭ جايلى ءومىر ءسۇرۋى ءۇشىن قولجەتىمدى الەۋمەتتىك تۇرعىن ۇيلەر، مەكتەپتەر، بالاباقشالار، مەديسينالىق نىساندار جانە ت.ب. سالۋدى ءارى قاراي دا جالعاسادى.
"قالا تۇرعىندارىنىڭ سانى، قۇرىلىس كولەمى جىل سايىن ءوسىپ كەلە جاتقانىن ەسكەرىپ، جىلۋ، سۋ جانە ەلەكترمەن جابدىقتاۋ نىساندارىنىڭ قۋاتىن ۇلعايتۋ بويىنشا جۇمىس ىستەيتىن بولامىز"، - دەدى قاسىمبەك.
