اتىراۋ وبلىسىندا بيىلعى 11 ايدا سىبايلاس جەمقورلىق دەرەگىمەن 26 ادام سوتتالعان. سىبايلاس جەمقورلىققا قارىس ءىس-قيمىل اگەنتتىگى اتىراۋ وبلىستىق دەپارتامەنتىنىڭ باسشىسى ەرلان دوسانوۆتىڭ مالىمەتىنشە، سىبايلاس جەمقورلىق فاكتىلەرى قۇرىلىس سالاسىندا ءجيى بولعان.
"ءبىرىنشى باسشىدان باعىنىشتى قىزمەتكەرلەرىنىڭ سىبايلاس جەمقورلىق ءۇشىن دەربەس جاۋاپكەرشىلىك سۇرالادى. سول سەبەپتەن، سىبايلاس جەمقورلىق قىلمىسىن بولدىرماۋ ءۇشىن ارنايى كارتا ەنگىزىلدى. وسىنداي ءىس-شارالاردىڭ ناتيجەسىندە 417 ملن تەڭگەدەن استام قاراجاتتى جىمقىرۋ ءقاۋپىنىڭ الدىن الىپ وتىرمىز. دەپارتامەنت قىزمەتكەرلەرى تاۋارلارعا، كورسەتىلەتىن قىزمەتتەرگە باعانى قولدان كوتەرۋ دەرەگىنە قاتىستى مەملەكەتتىك ساتىپ الۋ كونكۋرستارىنا جۇرگىزگەن مونيتورينگتىڭ ناتيجەسىمەن 4 ملرد تەڭگەدەن استام قاراجات ۇنەمدەلدى. بيىلعى جىلدىڭ 11 ايىندا سىبايلاس جەمقورلىق دەرەگىمەن 26 ادام سوتتالدى. ونىڭ ىشىندە ءبىرىنشى باسشى لاۋازىمىن اتقارعان 3 ادام بار" دەدى ەردان دوسانوۆ.
ونىڭ ايتۋىنشا، مەملەكەتتىك ورگان باسشىلارىنىڭ تاراپىنان ءتيىستى باقىلاۋ جاسالمايدى. بۇل الەۋمەتتىك نىساندار مەن جول قۇرىلىسىن مەرزىمىندە تاپسىرماۋعا اكەلىپ سوقتىرادى. ال، سىبايلاس جەمقورلىققا قارسى مادەنيەتتى قالىپتاستىرۋدا تەك فورمالدى تاسىلدەر قولدانىلادى.
پىكىر قالدىرۋ