الماتىدا Mudarabah Capital قارجى پيراميداسىنىڭ ىسىندە كۇدىكتى دەپ تانىلعان ۆاينەرلەرگە قاتىستى سوت وتىرىسىنىڭ قاشان وتەتىنى بەلگىلى بولدى.
"قىلمىستىق ءىس المالى اۋدانىنىڭ قىلمىستىق ىستەر جونىندەگى سوتىندا 21 جەلتوقساندا وتەتىن بولادى"، - دەپ حابارلادى الماتى سوتى.
قارجى پيراميداسىن تانىمال ۆاينەرلەر مەيىرجان تورەبايەۆ پەن مەيىرحان شەرنيازوۆ جارنامالاعان. سونداي-اق ولارىڭ ارىپتەسى ءازىمجان سايدبايەۆقا حالىقارالىق ىزدەۋ جاريالانعان.
اتالعان ىسكە بارلىعى 14 ادامنىڭ قاتىسى بار. قىلمىستىق ءىس اياسىندا 41 جىلجىمايتىن مۇلىككە، 3 اۆتوكولىككە، 9 بانك شوتىنا جانە 16 كومپانيانىڭ جارعىلىق كاپيتالىنداعى ءتۇرلى ۇلەسكە ارەست قويىلعان.
2021 جىلدىڭ كوكتەمىندە قازاقستاندىقتار Astex باسشىلىعى مەن ونىڭ سەرىكتەستەرىنىڭ ۇستىنەن ارىز جازىپ، پوليسياعا جۇگىنگەن بولاتىن. جابىرلەنۋشىلەرگە كومپانيانىڭ تەندەرلەرىنە اقشانى "اينالدىرۋ" ۇسىنىلىپ، اي سايىن جوعارى پايىز ۋادە ەتكەن. ءبىراق سوڭىندا ولار الدانىپ قالعان. ۇزاماي كومپانيا باسشىلارى قاماۋعا الىندى.
ۆاينەرلەر مەيىرجان تورەبايەۆ پەن مەيىرحان شەرنيازوۆ "قارجى (ينۆەستيسيا) پيراميداسىن قۇرۋ جانە باسقارۋ" بابى بويىنشا قىلمىستىق ىستە كۇدىكتى رەتىندە تانىلىپ وتىر.
پىكىر قالدىرۋ