– اۆتوجول قۇرىلىسى بويىنشا بارلىق نەگىزگى دەگەن جۇمىستار اياقتالدى. قازىرگى ۋاقىتتا اباتتاندىرۋ جانە جول اقىسىن الۋ جۇيەسى ورناتىلىپ جاتىر. كونسەسسيا تۋرالى زاڭعا سايكەس جوبالار ينۆەستورلارعا مەملەكەت بالانسىنا قابىلدانعاننان كەيىن عانا بەرىلەدى. وسىعان بايلانىستى پايدالانۋعا بەرۋ 2023 جىلدىڭ ەكىنشى جارتىسىنا جوسپارلانىپ وتىر، دەدى اۆتوموبيل جولدارى كوميتەتىنىڭ ءتوراعاسى تولەگەن ابدۋللين.
اينالما جول نەگىزىنەن التى، كەي جەرلەردە ءتورت جولاقتى بولماق. رۇقسات ەتىلگەن ماكسيمالدى جىلدامدىق ساعاتىنا 110-140 شاقىرىمدى قۇرايدى.
تاس جول قاسكەلەڭ ماڭىنداعى قىرعاۋىلدى اۋىلىنان باستالىپ، تالعار جانىنداعى قىزىلقايرات اۋىلىندا اياقتالادى.جول الماتى وبلىسىنىڭ قاراساي، ىلە جانە تالعار اۋداندارىنداعى 14 ەلدىمەكەن ارقىلى وتەتىن بولادى.
Kolesa.kz باسىلىمىنىڭ جازۋىنشا، ءۇاااج ديرەكسياسى جۇمىستاردى مينيسترلىك ايتقان مەرزىمنەن دە بۇرىن اياقتاپ، جول قوزعالىسىن 2023 جىلدىڭ ءى جارتىسىندا ىسكە قوسۋدى جوسپارلاپ وتىرعانىن حابارلاعان.
پىكىر قالدىرۋ