بەلگىلى عالىم، فيلوسوفيا عىلىمىنىڭ دوكتورى، پروفەسسور، ق ر الەۋمەتتىك عىلىم اكادەمياسىنىڭ اكادەميگى امانگەلدى ايتالى دۇنيەدەن وزدى.

امانگەلدى ءابدىراحمان ۇلى ايتالى 1939 جىلى 10 قىركۇيەكتە رەسەيدىڭ استراحان وبلىسى ۆولودارسك اۋدانىنا قاراستى بولدىريەۆو اۋىلىندا دۇنيەگە كەلگەن. اقتوبە مەملەكەتتىك پەداگوگيكالىق ينستيتۋتىن، ءال-فارابي اتىنداعى قازاق ۇلتتىق ۋنيۆەرسيتەتىنىڭ اسپيرانتۋراسىن بىتىرگەن.

ەڭبەك جولىن اۋىل مەكتەبىندە باستاۋىش سىنىپ ءمۇعالىمى بولىپ باستاپ، اقتوبە مەملەكەتتىك پەداگوگيكا ينيستيتۋتىندا اعا وقىتۋشى، كافەدرا مەڭگەرۋشىسى، پرورەكتور بولىپ ەڭبەك ەتكەن. 1999-2004 جىلدار ارالىعىندا ەكىنشى شاقىرىلىمداعى جانە 2004-2007 جىلدارداعى ءۇشىنشى شاقىرىلىمداعى ق ر پارلامەنتىنىڭ دەپۋتاتى بولعان.

كەيىنگى جىلدارى ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنىڭ "الەۋمەتتىك ساياسي پاندەر" كافەدراسىنىڭ پروفەسسورى، "ءبىلىم مەن تاربيەنىڭ دۇنيەتانىمدىلىق الەۋمەتتىك ماسەلەلەرىن زەرتتەۋ" ورتالىعىنىڭ جەتەكشىسى بولىپ قىزمەت ەتكەن.

بىرنەشە عىلىمي-كوپشىلىك كىتاپتاردىڭ جانە جۇزدەگەن عىلىمي ماقالالاردىڭ اۆتورى. 

«قۇرمەت» بەلگىسى، «پاراسات» وردەندەرىمەن، قازاق كسر جوعارعى كەڭەسىنىڭ گاموتاسىمەن ماراپاتتالعان.