قازاقستانداعى ادام قۇقىلارى جونىندەگى حالىقارالىق بيۋرو مەن قازاقستاننىڭ ازاپتاۋعا قارسى ۇكىمەتتىك ەمەس ۇيىمدار كواليسياسى، «ازاماتتىق ىنتىماقتاستىق» پلاتفورماسىنىڭ ازاپتاۋلارعا قارسى جۇمىس توبىمەن بىرلەسە وتىرىپ، «زورلى-زومبىلىق پەن ازاپتاۋ تۋرالى نە ويلايسىڭ؟» اتتى زەرتتەۋ جۇرگىزىپ جاتىر.
قازاقستانداعى ادام قۇقىلارى جونىندەگى حالىقارالىق بيۋرو سايتىنداعى اقپاراتتا زەرتتەۋ قوعامنىڭ ازاپتاۋ مەن قاتىگەزدىك تاجىريبەسىنە دەگەن كوزقاراسىن باعالايتىن ءبىرىنشى جانە ازىرگە جالعىز زەرتتەۋ ەكەنى، ءارى قوعامنىڭ ءوزى ازاپتاۋدان ءبىرجولا قۇتىلۋ ءۇشىن ءوزىنىڭ قانشالىقتى قاجەت ەكەنىن كورۋگە مۇمكىندىك بەرەتىنى ايتىلادى.
ساۋالناما ديزاينى دەرەكتى وقيعالاردى انكەتالىق سۇراقتارعا اينالدىرۋ ادىسىنە سۇيەنگەن.
بۇعان دەيىنگى ولشەمدەردىڭ ناتيجەسى «قوعا ۇكىمى» («وبششەستۆەننىي ۆەرديكت») قورىنىڭ «بارومەتر رەفورمى پوليسيي» سايتىندا جاريالانعان.
ساۋالناما سۇراقتارىنا جاۋاپ بەرە وتىرىپ زەرتتەۋگە قاتىسام دەۋشىلەر ساۋالناما سايتىنا ءوتۋى كەرەك. ول ءۇشىن مىنا جەردى باسۋ كەرەك.
پىكىر قالدىرۋ