دەنساۋلىق ساقتاۋ مينيسترلىگى جرۆي جانە تۇماۋ اۋرۋلارىنىڭ كوبەيۋىنە بايلانىستى قازاقستاندىقتارعا قايتادان بەتپەردە كيىپ جۇرۋگە جانە ادام كوپ جينالاتىن جەرلەرگە بارماۋعا كەڭەس بەرەدى.
ۆەدومستۆو مالىمەتىنشە، ەلدە جرۆي جانە تۇماۋ اۋرۋلارىنىڭ ماۋسىمدىق ءوسۋى بايقالادى.
"ەپيدەميالىق ماۋسىم باستالعاننان بەرى، ياعني 2022 جىلدىڭ 1 قازانىنان بەرى ءجىتى رەسپيراتورلىق ۆيرۋس ينفەكسيالارىنىڭ 2،1 ميلليون جاعدايى تىركەلدى، ونىڭ 65،5 پايىزى 14 جاسقا دەيىنگى بالالار. سونداي-اق، تۇماۋدىڭ زەرتحانالىق راستالعان 1834 جاعدايى تىركەلدى، ونىڭ ىشىندە 14 جاسقا دەيىنگى بالالار اراسىندا – 717"، - دەدى دەنساۋلىق ساقتاۋ مينيسترلىگىنىڭ وكىلدەرى.
تۇماۋ، جرۆي جانە كوروناۆيرۋس ينفەكسياسىنىڭ الدىن الۋ ماقساتىندا دەنساۋلىق ساقتاۋ مينيسترلىگى تومەندەگىدەي نۇسقاۋلىق ۇسىنادى:
- ماسكا مەن انتيسەپتيكتەردى قولدانۋ؛
- ادامدار كوپ جينالاتىن ورىندارعا بارۋدى، اۋرۋ ادامدارمەن قارىم-قاتىناستى شەكتەۋ؛
- ءۇي-جايلاردى جەلدەتىپ، ءجيى ىلعالدى تازالاۋ جۇرگىزۋ؛
- دەرەۋ مەديسينالىق كومەككە جۇگىنۋ.
پىكىر قالدىرۋ