ەلۆيرا ازيموۆا كونستيتۋسيالىق سوتتىڭ ءتوراعاسى بولىپ تاعايىندالدى، دەپ حابارلادى اقوردانىڭ باسپا ءسوز قىزمەتى.
"مەملەكەت باسشىسىنىڭ جارلىعىمەن ەلۆيرا ءابىلحاسىم قىزى ازيموۆا قازاقستان رەسپۋبليكاسى كونستيتۋسيالىق سوتىنىڭ ءتوراعاسى لاۋازىمىنا 2023 جىلعى 1 قاڭتاردان باستاپ تاعايىندالدى" دەلىنگەن حابارلامادا.
ەلۆيرا ازيموۆا 1973 جىلى دۇنيەگە كەلگەن. ياساۋي اتىنداعى حالىقارالىق قازاق-تۇرىك ۋنيۆەرسيتەتىن "زاڭگەر" ماماندىعى بويىنشا ءتامامداعان. ەڭبەك جولىن 1990-1991 جىلدارى شىمكەنتتەگى دزەرجينسكيي اۋداندىق ىشكى ىستەر ءبولىمىنىڭ كەزەكشى وپەراتورى بولىپ جۇمىس ىستەۋدەن باستاعان.
1996-2013 جىلدارى ق ر ادىلەت مينيسترلىگىنىڭ جۇيەسىندە جەتەكشى كەڭەسشى، باس كەڭەسشى جانە مامان، ورىنباسار جانە باسقارما باسشىسى، سونىمەن قاتار، ق ر حالىقارالىق قىزمەتىن نورماتيۆتىك قامتاماسىز ەتۋ دەپارتامەنتىنىڭ ديرەكتورى بولعان.
2013 جىلدان 2019 جىلعا دەيىن قازاقستاننىڭ ادىلەت ءمينيسترىنىڭ ورىنباسارى قىزمەتىن اتقارعان.
2019 جىلدىڭ قىركۇيەگىنەن بەرى ادام قۇقىقتارى جونىندەگى ۋاكىل بولعان.
