ۋكرايناعا قارسى سوعىس باستالعاننان بەرى رەسەيدىڭ قاۋىپسىزدىك كەڭەسى ءتوراعاسىنىڭ ورىنباسارى قىزمەتىن اتقارعان ەكس-پرەزيدەنت دميتريي مەدۆەديەۆ رەسەيدىڭ سوعىستا جەڭىلگەنىن قالايتىنداردى "قوعام جاۋى"، "مەملەكەت جاۋى" دەپ سانايتىنىن ايتتى، دەپ جازادى svoboda.org پورتالى.
مەدۆەديەۆ قازىرگى سوعىسقا قارسى شىققانداردى وسىدان ءجۇز جىل بۇرىن ءبىرىنشى دۇنيەجۇزىلىك سوعىس كەزىندە رەسەيدىڭ جەڭىلىسىن تىلەگەن "وپپوزيسيونەرلەرگە" تەڭەدى. ول ۆلاديمير لەنين باستاعان بولشيەۆيكتەر تۋرالى ءسوز قوزعاپ وتىرعان بولۋى مۇمكىن. الايدا بۇل مىسالىن ناقتىلامادى.
"وسى عاسىرداعى جاڭادان شىعىپ جاتقان شەنەۋنىكتەردىڭ شىعارمالارىن وقىعان كەزدە بويىمدا جيىركەنىش سەزىمى پايدا بولادى. ولار تاعى دا بيلىكتى قارعايدى، ءوز وتانىنىڭ جەڭىلىسىن تىلەيدى، رەسەيدىڭ جەر بەتىنەن جويىلۋىن ارماندايدى"، دەپ جازادى مەدۆەديەۆ.
ول رەسەيدىڭ قۇلدىراۋىن قالايتىن مۇنداي ادامداردى قىزمەتىنە قاراماستان "قوعام جاۋى" دەپ اتاۋعا شاقىردى. مەدۆەديەۆ ءوز مالىمدەمەسىندە "hostis publicus" ءسوزىن قولدانعان. بۇل ءسوز "حالىق جاۋى" دەگەن ماعىنانى بىلدىرەدى.
پىكىر قالدىرۋ