قارجىلىق مونيتورينگ اگەنتتىگى ەلدوس قوسپايەۆتىڭ ۇيلەستىرۋىمەن رەيدەرلىك ارەكەت جاسادى دەگەن كۇدىككە ءىلىنىپ، ىزدەۋ جاريالانعان ۇيىمداسقان قىلمىستىق توپتىڭ 6 مۇشەسى تۋرالى اقپارات ءۇشىن سىياقى تاعايىندالعانىن حابارلادى.

"ەلدوس پەن ايدوس قوسپايەۆتار، ەرلان يماشيەۆ، رۋسلان شالين، وكسانا كۋدرياشوۆا، الەكسەي كۋزنەسوۆ تەرگەۋدەن جاسىرىنىپ ءجۇر. قىلمىستىق توپ ۇزاق ۋاقىت بويى كۇش قولدانۋ جانە قورقىتۋ ارقىلى الماتىلىق كاسىپكەرلەردىڭ مۇلكىن، سەرىكتەستىكتەردەگى ۇلەستەرىن تارتىپ الىپ، كولەڭكەلى كاسىپكەرلىكپەن اينالىسقان. رەيدەرلىك شابۋىلدار بويىنشا سوتقا دەيىنگى تەرگەۋ جانە ۇيىمداسقان قىلمىستىق توپقا قاتىسى بار ادامداردى انىقتاۋ جالعاسۋدا. ىزدەۋدەگى ادامداردىڭ قايدا بولۋى مۇمكىن ەكەندىگى تۋرالى اقپاراتى بار ادامداردى قما سەنىم تەلەفونىنا حابارلاسۋدى سۇرايمىز. 8 (7172) 708-478، 8 (727) 279-29-56. اقپارات بەرگەنى ءۇشىن سىياقى قاراستىرىلعان" دەلىنگەن اگەنتتىك حابارلاماسىندا.

Orda.kz پورتالى ەلدوس قوسپايەۆ ەكس-پرەزيدەنتتىڭ ءىنىسى بولات نازاربايەۆتىڭ ادامى ەكەنىن جازادى. ەل اراسىندا رەيدەرلىڭ شابۋىلداردىڭ اراسىندا تىكەلەي بولات نازاربايەۆ تۇر، قوسپايەۆ نازاربايەۆتىڭ قامقورلىعىمەن ارەكەت ەتكەن دەگەن اڭگىمە بار.

ماۋسىم ايىندا جۋرناليست ميحايل كوزاچكوۆ "Karuan" ج ش س يەسى نۇرشى كاكەنوۆ بولات نازاربايەۆتى رەيدەرلىك شابۋىل جاسادى دەپ ايىپتاپ، ارىزدانعانى تۋرالى جازعان. قارجىلىق مونيتورينگ اگەنتتىگى ارىز تۇسكەنىن راستاعانىمەن، نازاربايەۆتىڭ ۇستىنەن سوتقا دەيىنگى تەرگەۋ باستالعان تۋرالى اقپارات شىقپادى.