اقتاۋ ماڭىندا جانارماي قۇيىلعان سيستەرنا جارىلۋىنان زارداپ شەككەندەردىڭ ءبىرى جانساقتاۋ بولىمىندە قايتىس بولدى، دەپ جازادى lada.kz پورتالى.
باسىلىم مالىمەتىنشە، جانساقتاۋ بولىمىندە جاتقان ەكىنشى ادامنىڭ جاعدايى اۋىر.
"وكىنىشكە قاراي، ءبىر ناۋقاس قايتىس بولدى. زارداپ شەككەن ەكىنشى ادام 1981 جىلى تۋعان ازاماتتىڭ جاعدايى اۋىر. دارىگەرلەر قولىنان كەلگەننىڭ ءبارىن ىستەپ جاتىر" دەپ حابارلادى ماڭعىستاۋ وبلىستىق اۋرۋحانانىڭ باسپا ءسوز قىزمەتى وكىلدەرى.
قايتىس بولعان ازامات 1989 جىلى تۋعان.
7 قاڭتاردا ساعات 21:00 شاماسىندا اقتاۋ ماڭىنداعى "BBJ GROUP" ج ش س كولىك كومپانياسىنىڭ بازاسىندا جانارمايعا تولى سيستەرنا جارىلعان بولاتىن. سالدارىنان ەكى ادام ءتۇرلى دەنە جاراقاتىمەن وبلىستىق اۋرۋحاناعا جەتكىزىلگەن. قازىرگى كۇنى اپاتتىڭ سەبەبى انىقتالىپ جاتىر.
پىكىر قالدىرۋ