ۇجىمدىق قاۋىپسىزدىك تۋرالى شارت ۇيىمى تۇراقتى كەڭەسىنىڭ وتىرىسى بارىسىندا ۇيىمنىڭ جاڭا باس حاتشىسى يمانعالي تاسماعامبەتوۆ رەسمي تۇردە تانىستىرىلدى.
يمانعالي تاسماعامبەتوۆتىڭ ايتۋىنشا، الەمدىك سىن-قاتەرلەرگە قاراماستان ۇيىمعا مۇشە مەملەكەتتەر اۋماعىندا ۇجىمدىق قاۋىپسىزدىك شارتى ۇيىمىنا ەشقانداي بالاما جوق.
"ۇقشۇ-عا مۇشە مەملەكەتتەردىڭ باسشىلارىنا ۇيىمنىڭ جۇمىس قۇرىلىمىن باسقارۋعا سەنىم بىلدىرگەنى ءۇشىن العىس ايتقىم كەلەدى. الەم ۇلكەن گەوساياسي سىناقتاردىڭ كۋاسى بولىپ وتىر، وتە كۇردەلى ساياسي، ەكونوميكالىق جانە باسقا دا پروبلەمالاردى شەشۋگە تۋرا كەلەدى. ۇقشۇ الدىندا كۇردەلى مىندەتتەر تۇر. وسى سىن-قاتەرلەر مەن پروبلەمالاردىڭ بارلىعى ءبىزدىڭ ۇيىمنىڭ شەشۋشى رولىنە، ونىڭ بەدەلى مەن ايماقتىق قاۋىپسىزدىكتى قامتاماسىز ەتۋدىڭ ءتيىمدى تەتىگى بولۋ قابىلەتىنە اسەر ەتەدى. ونىڭ ارى قارايعى بەدەلى مەن تيىمدىلىگى وزىمىزگە بايلانىستى. بارلىق قيىندىقتارعا قاراماستان، مەن ۇقشۇ ءۇشىن بالاما جوق ەكەنىنە، ونىڭ وزىنە جۇكتەلگەن مىندەتتەردى شەشۋگە قابىلەتتى ەكەنىنە سەنىمدىمىن"، - دەدى تاسماعامبەتوۆ.
پىكىر قالدىرۋ