دەپۋتاتتار پارلامەنت پالاتالارىنىڭ بىرلەسكەن وتىرىسىندا ەلباسى تۋرالى زاڭنىڭ كۇشىن جويۋ تۋرالى زاڭ جوباسىن ءبىرىنشى وقىلىمدا ماقۇلدادى.
كونستيتۋسياعا ەنگىزىلگەن وزگەرتۋلەرگە سايكەس قازاقستان رەسپۋبليكاسى تۇڭعىش پرەزيدەنتى – ەلباسىنىڭ مارتەبەسى مەن وكىلەتتىگى رەسپۋبليكا كونستيتۋسياسىمەن جانە كونستيتۋسيالىق زاڭمەن ايقىندالادى دەگەن نورمانى كوزدەيتىن كونستيتۋسيانىڭ 46-بابى 4-تارماعى الىنىپ تاستالدى.
زاڭ جوباسىن سەناتتان قاتىسىپ وتىرعان 44 دەپۋتات پەن ماجىلىستەن قاتىسىپ وتىرعان 93 دەپۋتاتتىڭ ءبارى ماقۇلدادى.
كونستيتۋسيالىق زاڭنىڭ قابىلدانۋى تەرىس قۇقىقتىق جانە الەۋمەتتىك-ەكونوميكالىق سالدارعا اكەلمەيتىنى، بيۋدجەتتەن قوسىمشا قارجى تالاپ ەتىلمەيتىنى حابارلاندى.
نۇرسۇلتان نازاربايەۆقا ايرىقشا قۇزىرەتتەر مەن كەپىلدىكتەر بەرەتىن زاڭ كۇشىن جويعانىمەن ن.نازاربايەۆ پرەزيدەنت تۋرالى زاڭنىڭ ەكس-پرەزيدەنتتەر جايلى VI تاراۋىنا ساي ءبىرقاتار كەپىلدىكتەرگە يە.
پىكىر قالدىرۋ