قىرعىزستان رەسپۋبليكاسىنىڭ بۇرىنعى پرەزيدەنتى اسقار اقايەۆقا قاتىستى قىلمىستىق ءىس توقتادى. بۇل جونىندە قىرعىزستان باس پروكۋراتۋراسىنىڭ باسپا ءسوز قىزمەتى حابارلادى، دەپ جازادى كابار اگەنتتىگى.
"قىلمىستىق جاۋاپكەرشىلىككە تارتۋ مەرزىمى ەسكىرۋىنە بايلانىستى ءىس توقتاتىلدى" دەلىنگەن قىرعىزستان باس پروكۋراتۋراسىنىڭ باسپا ءسوز قىزمەتىنىڭ حابارلاماسىندا.
اسقار اقايەۆ 1991-2005 جىلدارى قىرعىزستان پرەزيدەنتى بولعان. 2005 جىلى 24 ناۋرىزدا "قىزعالداق ريەۆوليۋسياسى" كەزىندە ماسكەۋگە قاشىپ، ارتىنشا وتستاۆكاعا كەتكەن.
ول بيلىكتى نەمەسە قىزمەتتىك جاعدايدى اسىرا پايدالاندى، 1992 جىلى "كامەكو" كومپانياسىمەن كەلىسىم جاساسۋ بارىسىندا نەمقۇرايلىق جاسادى، 2003 جىلى "ءقۇمتور" جوباسىن قايتا قۇرىلىمداۋدا زاڭسىزدىققا باردى دەپ ايىپتالعان.
پىكىر قالدىرۋ