اقمولا وبلىسىندا قۇرىلىس سالاسىنداعى ءىرى جەمقورلىق فاكتىسىنە بايلانىستى سوت ۇكىمى شىقتى. بۇل تۋرالى سىبايلاس جەمقورلىققا قارسى قىزمەت حابارلادى.
كوكشەتاۋ قالالىق سوتىنىڭ ۇكىمىمەن اقمولا وبلىسى قۇرىلىس باسقارماسى باسشىسىنىڭ ورىنباسارى م. قانسەيىتوۆ كىنالى دەپ تانىلىپ، ءومىر بويى مەملەكەتتىك قىزمەتتە قىزمەت اتقارۋ قۇقىعىنان شەكتەلىپ، 8 جىلعا باس بوستاندىعىنان ايىرىلدى.
سول ۇكىممەن «ساراپشى ارسەنال» ج ش س قۇرىلتايشىسى ب. شايمەردەنوۆ پەن «كوكشەستروي تەحنادزور» ج ش س تەحنيكالىق قاداعالاۋ ينجەنەرى و. رەنن كىنالى دەپ تانىلىپ، 7،5 جانە 7 جىلعا باس بوستاندىعىنان ايىرىلعان.
ولارعا مەملەكەتتىك قىزمەتتە 5 جىل مەرزىمگە قىزمەت اتقارۋ قۇقىعىنان ايىرۋ تۇرىندەگى جازا قولدانىلعان.
"تەرگەۋ بارىسىندا سوتتالعاندار ششۋچينسك قالاسىندا ءجۇز پاتەرلىك تۇرعىن ءۇي سالۋعا بولىنگەن 50،5 ميلليون تەڭگە كولەمىندە قۇرىلىس مونتاجداۋ جۇمىستارى ناقتى ورىندالماعانى ءۇشىن بيۋدجەت قاراجاتىن ۇرلاعانى دالەلدەندى. ۇكىم زاڭدى كۇشىنە ەنگەن جوق" دەلىنگەن حابارلامادا.
پىكىر قالدىرۋ