اۋىل اكىمى ورالبەك ءابشانوۆتىڭ ايتۋىنشا، جۇما كۇنى ايشۋاققا اۋدان ورتالىعى شالقاردان سوت-مەديسينا ساراپشىلارى كەلۋى كەرەك. وقۋشىنىڭ ولىمىنە نە سەبەپ بولعانى ساراپتامادان سوڭ بەلگىلى بولادى.
- حابار تيە سالىسىمەن مەكتەپ ديرەكتورى، سىنىپ جەتەكشىسى، مەكتەپ پسيحولوگى - ءبارىمىز وقۋشىنىڭ ۇيىنە باردىق. مۇعالىمدەر دە، پسيحولوگ تا وقۋشى قىزدىڭ مىنەز-قۇلقىنان وزگەرىس بايقاماعان. بالانىڭ شەشەسى دە وتباسىندا ەشقانداي كونفليكت بولماعانىن ايتتى. ۇيلەرىنە كەلگەن قوناقتى شىعارىپ سالىپ، تۇنگى ون ەكىلەردە شەشەسى قىزىن ىزدەي باستايدى. سۇيەكتى اۋلانىڭ تۇپكىرىنەن تاپقان، - دەيدى ورالبەك ءابشانوۆ.
اقتوبە وبلىستىق ءبىلىم باسقارماسى باسشىسىنىڭ ورىنباسارى نۇرگۇل بەرتىلەۋوۆانىڭ سوزىنشە، 2007 جىلى تۋعان وقۋشى قىز ارتىنا حات قالدىرماعان.
«باقۋاتتى وتباسىندا تاربيەلەنىپ جاتقان، وقۋ ۇلگەرىمى جاقسى وقۋشى بولاتىن. وز-وزىنە قول جۇمساۋىنا نە سەبەپ بولعانى بەلگىسىز» دەيدى نۇرگۇل بەرتىلەۋوۆا.
اقتوبە وبلىستىق پوليسيا باسقارماسى دا بولعان جايدى راستاپ، «ءوزىن-وزى ولتىرۋگە دەيىن جەتكىزۋ» بابى (ق ر قىلمىستىق كودەكسىندەگى 105ء-شى باپ) بويىنشا قىلمىستىق ءىس قوزعالعانىن حابارلادى. بالا ءولىمىنىڭ سەبەبىن انىقتاۋ ءۇشىن پوليسيا بىرنەشە ساراپتاما تاعايىنداعان.
قازاقستان سۋيسيد بويىنشا الەمدە ءۇشىنشى ورىندا، ال ورتالىق ازيادا ءبىرىنشى ورىندا تۇر. بىلتىر قاڭتار-قىركۇيەك اراسىندا ەلدە جۇزدەن اسا ءجاسوسپىرىم وزىنە قول سالعانى حابارلاندى. ساراپشىلار وقۋشىلار اراسىنداعى سۋيسيدكە الىمجەتتىك سەبەپ دەيدى.
دەرەككوز: ازاتتىق راديوسى
پىكىر قالدىرۋ