2021 جىلعى جەلتوقسان ايىنىڭ سوڭىندا ەت ونىمدەرى باعاسىنىڭ قىمباتشىلىعى ءبىر جىلدا 16،6% پايىزدى كورسەتتى، دەپ حابارلادى energyprom.kz پورتالى.

ەڭ كوپ قىمباتتاعان ءوڭىر ماڭعىستاۋ وبلىسى: ءبىر جىلدا 22،6%. ودان كەيىن پاۆلودار (21،7% قىمباتتادى) جانە سولتۇستىك قازاقستان (21،5% قىمباتتادى) وبلىستارى. باعا ءبىر جىلدا ەڭ از قىمباتتاعان ءوڭىر ۇلىتاۋ وبلىسى: 9،7%.

ەت پەن قۇس ەتى جىلدىق ديناميكادا 15،4%، شۇجىق ونىمدەرى 22،2%، ەت ونىمدەرى 15،9% قىمباتتادى. ەت ونىمدەرىنىڭ ىشىندە قۇس ەتى – 29،4%، جىلقى ەتى – 16،7%، شوشقا ەتى – 14،3%، قوي ەتى – 12،9%، سيىر ەتى – 10،1% قىمباتتاعان. شۇجىق ونىمدەرىنىڭ ىشىندە پىسىرىلگەن شۇجىق باعاسى 23،6%، جارتىلاي ىستالعان شۇجىق 22،2%-عا وسكەن.. 

2022 جىلعى 1 جەلتوقسانداعى جاعدايعا سايكەس، ءبىر جىلدا  قازاقستاندا ەشكى مەن شوشقادان باسقا مال باسى كوبەيگەن.

جىلقى سانى ءبىر جىلدا 12،1% ارتىپ، 3،7 ملن باسقا، تۇيە – 8،6% كوبەيىپ 260،5 مىڭ باسقا، ءىرى قارا – 5،2% كوبەيىپ 8،5 ملن باسقا، قوي – 4،4% كوبەيىپ 19،6 ملن باسقا، قۇس – 1،1% كوبەيىپ 50،8 ملن باسقا جەتكەن.