جۇماباي قاراعايەۆ ماڭعىستاۋ وبلىسى اكىمىنىڭ ءبىرىنشى ورىنباسارى بولىپ تاعايىندالدى. بۇل تۋرالى وبلىس اكىمىنىڭ باسپا ءسوز قىزمەتى حابارلادى.
"نۇرلان نوعايەۆ وبلىس اكتيۆىنە كانديداتۋراسى پرەزيدەنت اكىمشىلىگىمەن كەلىسىلگەن اكىمنىڭ جاڭا ءبىرىنشى ورىنباسارىن تانىستىردى. ماڭعىستاۋ وبلىسى اكىمىنىڭ جاڭا ءبىرىنشى ورىنباسارى بولىپ جۇماباي قاراعايەۆ تاعايىندالدى"، - دەلىنگەن حابارلامادا.
جۇماباي قاراعايەۆ بىلتىر قاڭتار ايىندا ەنەرگەتيكا ۆيسە-مينيسترى قىزمەتىنەن بوساتىلىپ، ۇزاماي ماڭعىستاۋداعى گاز باعاسىن كوتەرۋ بويىنشا تەرگەۋ اياسىندا ۇستالىپ، قاماۋعا الىنعان. ءبىراق قىلمىس قۇرامىنىڭ بولماۋىنا بايلانىستى وعان قاتىستى ءىس توقتاتىلعان.
پىكىر قالدىرۋ