«نازاربايەۆ قورى» ءبىلىم بەرۋ قورىنىڭ باسشىسى اسلان ءسارىنجىپوۆ قور يۋىلتىر تامىزدا مينوريتارلى اكسيونەرى بولىپ كەلگەن Jusan bankء-تى باقىلاۋىنان شىعارىپ العانىن ءمالىم ەتتى. ونىڭ سوزىنشە، بۇعان بانككە يەلىك ەتەتىن Jusan Technology حولدينگى باسشىلىعىنىڭ رەتسىز قادامدارى سەبەپ بولعان، دەپ جازادى ulysmedia.kz پورتالى.
ءسارىنجىپوۆ نازاربايەۆ قورى Jusan دەپ قۇرىلعان جەكە قارجىلىق اكتيۆ ەسەبىنەن، نازاربايەۆ ۋنيۆەريتەتى مەن نازاربايەۆ زياتكەرلىك مەكتەپتەرىن دامىتۋدى، سول ارقىلى بيۋدجەتكە جۇكتەمەنى ازايتۋدى كوزدەگەن" دەيدى.
– الايدا قاڭتار وقيعاسى بولدى دا، «ەسكى قازاقستاننىڭ» وكىلدەرى ءبىزدىڭ بانكتەگى اكتيۆتەرىمىزدى زاڭسىز باقىلاۋعا الدى. ەگەر ەگجەي-تەگجەيلى ايتار بولساق، كەزىندە Jusan توبىن اقش-تا تىركەلگەن قوردىڭ ەنداۋمەند قامقورشىلىق كەڭەسىنە كىرەتىن قازاقستاننىڭ وكىلدەرى باقىلايتىن. بىردەن تۇسىندىرەيىن، بۇل قور نۋ مەن ءنزم-تى تىكەلەي قارجىلاندىرۋى كەرەك بولعان. ال اقش-تا تىركەلۋىن دامىعان زاڭنامامەن جانە سالىق سالاسىنىڭ ءتيىمدى جۇيەسىمەن تۇسىندىرەمىز، بۇل بىزگە حالىقارالىق ارەنادا كەدەرگىسىز جۇمىس ىستەۋگە مۇمكىندىك بەردى. الايدا قولدان جاسالعان سەبەپتەر بويىنشا قازاقستاندىقتار قوردىڭ قامقورشىلىق كەڭەسىنەن شىعىپ قالدى، اقىرى بانك توبىن باقىلاۋ تەتىگى جوعالدى. مۇنىڭ سەبەبى – وتاندىق ءبىلىم سالاسىن دامىتۋعا جانە قولداۋعا باعىتتالعان قاراجاتتى باسقا باعىتقا پايدالانۋعا جول بەرمەۋگە تىرىسقانىمىزدا. ونىڭ ورنىنا Jusan Technology حولدينگىنىڭ باسشىلىعى قاراجاتتى مەملەكەت كورسەتكەن كومەكتى قايتارماس بۇرىن ديۆيدەندتەردى وتەۋگە جۇمساماق بولعان. ءبىراق ءبىزدى زاڭسىز جۇمىستان شىعاردى دا، Jusan – قاڭتار وقيعاسىنان كەيىن قازاقستاننان گورى وزدەرىنە ءقاۋىپسىز سانالاتىن باسقا مەملەكەتكە كوشىپ كەتكەن ادامداردىڭ باقىلاۋىنا ءوتتى. مەن بۇل شەشىممەن كەلىسپەيتىنىمدى رەسم تۇردە ايتقانىمدى اتاپ وتكىم كەلەدى، – دەدى ول.
نازاربايەۆ قورى امەريكالىق قوردا قازاقستاننىڭ وكىلدەرىن قالپىنا كەلتىرۋ بويىنشا اقش-قا ارىز جىبەرىپ، زاڭسىز تارتىپ الىنعان اكتيۆتى قايتارۋ جونىندەگى ارىزدى دا دايىنداپ قويعان.
بىلتىر قازان ايىندا Jusan Bank قارجى ۇيىمىن ەكس-پرەزيدەنت نۇرسۇلتان نازاربايەۆپەن بايلانىستىرعان اقپاراتتاردى جوققا شىعارعان.
پىكىر قالدىرۋ