پرەزيدەنت قاسىم-جومارت توقايەۆ ادام قۇقىقتارى جونىندەگى كوميسسيانىڭ قۇرامىن وزگەرتۋدى كوزدەيتىن جارلىققا قول قويدى.
ادام قۇقىقتارى جونىندەگى كوميسسيانىڭ جاڭا قۇرامىن تومەندەگىدەي:
- "قازاقستان عىلىمى جانە ءومىرى" حالىقارالىق عىلىمي جۋرنالىنىڭ باس رەداكتورى ەسبەرگەن الاۋحانوۆ؛
- ءبىلىم ءمينيسترى عاني بەيسەمبايەۆا؛
- ادىلەت ءمينيسترى ازامات ەسقارايەۆ؛
- ادام قۇقىقتارى جونىندەگى ۋاكىل ارتۋر لاستايەۆ؛
- عىلىم جانە جوعارى ءبىلىم ءمينيسترى ساياسات نۇربەك؛
- مادەنيەت جانە سپورت ءمينيسترى اسحات ورالوۆ؛
- "سانا سەزىم "ايەلدەر باستامالارىنىڭ قۇقىقتىق ورتالىعى" قوعامدىق بىرلەستىگىنىڭ ديرەكتورى شاحنوزا حاسانوۆا.
كوميسسيا قۇرامىنان بۇرىنعى مادەنيەت جانە سپورت ءمينيسترى داۋرەن ابايەۆ، ادام قۇقىقتارى جونىندەگى ۋاكىل، كونستيتۋسيالىق سوتتىڭ قازىرگى ءتوراعاسى ەلۆيرا ءازىموۆا، كونستيتۋسيالىق كەڭەستىڭ بۇرىنعى مۇشەسى يوگان مەركەل، بۇرىنعى ادىلەت ءمينيسترى، قازىرگى كونستيتۋسيالىق سوتتىڭ سۋدياسى قانات مۋسين، گۋميليەۆ اتىنداعى ەۇۋ-دىڭ بۇرىنعى وقۋ ءىسى جونىندەگى پرورەكتورى، قازىرگى كونستيتۋسيالىق سوتتىڭ سۋدياسى ەركىن وڭعاربايەۆ شىعارىلدى.
پىكىر قالدىرۋ