تۇركىستان وبلىسىندا كەنتاۋ، تۇركىستان قالالارى مەن بايدىبەك، ورداباسى جانە ساۋران اۋداندارىن سۋ باسىپ جاتىر، دەپ حابارلادى توتەنشە جاعدايلار مينيسترلىگى.
رەسمي مالىمەت بويىنشا، 2 اقپان ساعات 08:00-دەن باستاپ تاۋلى اۋدانداردا قاردىڭ ەرۋى جانە جاۋىن-شاشىننىڭ كوپ تۇسۋىنە بايلانىستى سۋ دەڭگەيى كوتەرىلگەن. سونىڭ سالدارىنان كەنتاۋ مەن تۇركىستان قالالارىندا، بايدىبەك، ورداباسى، ساۋران اۋداندارىندا اۋلالار مەن كوشەلەردى سۋ باسقان.
بىرنەشە اۋدانداعى مەكتەپتەردە ساباقتار توقتاتىلدى.
تجد قىزمەتكەرلەرى جاڭبىر سۋىن سورۋ جۇمىسىن جۇرگىزىپ جاتىر. وعان 50-دەن استام قۇتقارۋشى، 10 تەحنيكا جانە 20 موتوپومپا جۇمىلدىرىلعان.
پىكىر قالدىرۋ