ورتالىق سايلاۋ كوميسسياسى "بايتاق" جانە Respublica پارتيالارىنا قازاقستاننىڭ بارلىق ايماعى بويىنشا ءماسليحات دەپۋتاتتارىن سايلاۋعا قاتىسۋعا رۇقسات بەردى.
"بايتاق" جاسىلدار پارتياسىنا" 15 وڭىردەگى ءماسليحات سايلاۋىنا قاتىسۋعا رۇقسات بەرىلدى. قازىرگى ۋاقىتتا باسقا ءبىرقاتار وڭىردە پارتيالاردىڭ فيليالدارى قۇرىلدى. Respublica پارتياسى 19 وڭىردەگى ءماسليحات سايلاۋىنا جىبەرىلدى. سونداي-اق اتىراۋ وبلىسىندا پارتيا فيليالى قۇرىلدى" دەلىنگەن حابارلامادا.
وسك ءبىراۋىزدان قابىلدانعان شەشىممەن "بايتاق" جاسىلدار پارتياسىنا تومەندەگى وڭىرلەردەگى ءماسليحات دەپۋتاتتارىنىڭ سايلاۋىنا قاتىسۋعا رۇقسات بەردى: اباي وبلىسى، جەتىسۋ وبلىسى، اقمولا وبلىسى، سولتۇستىك قازاقستان وبلىسى، ۇلىتاۋ وبلىسى.
ال Respublica پارتياسى اتىراۋ وبلىسى ءماسليحاتىنىڭ دەپۋتاتتىعىنا ءوز كانديداتتارىن ۇسىنا الادى.
قازاقستان بويىنشا تىركەلگەن 7 پارتيا: Amanat پارتياسى، "اق جول" قازاقستاننىڭ دەموكراتيالىق پارتياسى، قازاقستان حالىق پارتياسى، "اۋىل" حالىق-دەموكراتيالىق پاتريوتتىق پارتياسى، وپپوزيسيالىق جالپىۇلتتىق سوسيال-دەموكراتيالىق پارتياسى، "بايتاق" قازاقستاننىڭ جاسىلدار پارتياسى جانە Respublica پارتياسى 19 ناۋرىزدا وتەتىن كەزەكتەن تىس ءماجىلىس سايلاۋىنا قاتىسۋعا رۇقسات الدى.
كانديداتتاردى ۇسىنۋ مەرزىمى 20 قاڭتاردان 8 اقپانعا دەيىن، تىركەۋ 20 قاڭتاردان 18 اقپانعا دەيىن جالعاسادى.
سايلاۋ الدىنداعى ۇگىت-ناسيحات جۇمىستارى 18 اقپان كۇنى ساعات 18:00-دەن 18 ناۋرىز ساعات 00:00-گە دەيىن جالعاسادى.
پىكىر قالدىرۋ