تۇركيادا قازاقستاندىق IT مامان ميرۋس قۇرماشيەۆ جوعالىپ كەتتى. بۇل تۋرالى سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين ءمالىم ەتتى.
ميرۋس قۇرماشيەۆ Astana Hub وكىلى، ۆت ميرۋس كومپانياسىنىڭ يەسى. ول ءزىلزالا بولعان ۋاقىتتا حاتاي قالاسىندا بولعان. جەر سىلكىنىسىنەن كەيىن بايلانىسقا شىقپاعان.
“الماتىداعى باۋىرىنىڭ ايتۋىنشا، ول دوستارىمەن بىرگە حاتايدا پاتەر جالداپ تۇرعان. ولار ءزىلزالادان كەيىن بايلانىسقا شىقپاعان. بۇگىن تۋعان-تۋىستارى، دوستارى، Astana Hub باسشىلىعى، ۆولونتەرلەر ميربولاتتى ىزدەۋ ءۇشىن تۇركياعا ۇشادى. ەگەر بىرەۋدە ميربولات تۋرالى اقپارات بولسا، باۋىرىنا (+7 702 430 2021) حابارلاسۋدى وتىنەمىز”، – دەيدى مۋسين.
سىرتقى ىستەر مينيسترلىگىنىڭ رەسمي وكىلى ايبەك سمادياروۆ اقپاراتتى راستادى. تۇندە ميرۋستىڭ باۋىرى، دوستارى مەن قازاقستاندىق ەرىكتىلەر تۇركياعا ۇشىپ كەتكەن.
تۇركيانىڭ وڭتۇستىگى مەن سيريانىڭ سولتۇستىگىندە قۋاتى 7،6، 7،7 بالل بولعان جويقىن جەر سىلكىنىسىنىڭ قۇرباندارىنىڭ سانى ءسات سايىن ارتىپ جاتىر. سوڭعى اقپاراتقا سايكەس، تابيعي اپاتتان 4 مىڭنان استام ادام قازا تاپقان. 20 مىڭنان ارتىق ادام زارداپ شەككەن.
پىكىر قالدىرۋ