بۇل تۋرالى وقۋ-اعارتۋ مينيسترلىگى ازىرلەگەن بالالاردىڭ قۇقىعىن قورعاۋدىڭ 2023-2025 جىلدارعا ارنالعان كەشەندى جوسپارىندا جازىلعان.
"ادىلەت مينيسترلىگى جانىنداعى ۆەدومستۆوارالىق جۇمىس توبىنا كامەلەتكە تولماعاندارعا قاتىستى زورلىق-زومبىلىق جاساۋ فاكتىلەرىن جاسىراتىن اتا-انالارعا نەمەسە زاڭدى وكىلدەرگە قاتىستى قىلمىستىق جاۋاپتىلىقتى ەنگىزۋ بولىگىندە ۇسىنىستار ەنگىزۋ كوزدەلەدى"، - دەلىنگەن قۇجاتتا.
سونىمەن قاتار قولدانىستاعى وزگە دە زاڭناماعا وزگەرىس ەنگىزۋ ۇسىنىلىپ وتىر.
"قولدانىستاعى زاڭناماعا سوت قۇقىق بۇزۋشىنىڭ (اگرەسسور) كامەلەتكە تولماعاندارعا قاتىستى مىنەز-قۇلقىنا قويىلاتىن ەرەكشە تالاپتاردى بۇزعانى ءۇشىن قىلمىستىق جاۋاپتىلىق ەنگىزۋ قاراستىرىلادى"، - دەپ جازىلعان جوبادا.
بۇل ورايدا، بالاعا اگرەسسيا كورسەتكەن ادام سوتقا دەيىن بۇلدىرشىنمەن بىرگە تۇرمايدى. ياعني، قۇقىق بۇزۋشى تۇرعىن ۇيدەن ۋاقىتشا شىعارىلادى.
ۆەدومستۆو اتالعان جۇمىستاردى بيىلعى جىلدىڭ ءۇشىنشى توقسانى مەن كەلەسى جىلدىڭ ءبىرىنشى توقسانىندا كەزەڭ-كەزەڭىمەن قولعا الماق.
پىكىر قالدىرۋ