قىرعىزستاننىڭ ەكس-پرەزيدەنتى المازبەك اتامبايەۆ تۇزەتۋ كولونياسىنان بوساتىلدى، دەپ حابارلادى تاسس اقپارات اگەنتىگى.
"بۇگىن بوساتتى. ەندى ۇيگە قايتامىز"، دەگەن اگەنتتىك دەرەككوزى.
اگەنتتىك دەرەككوزى اتامبايەۆتىڭ ءجۇرىپ-تۇرۋىنا قاتىستى شەكتەۋلەر الىنىپ تاستالعانىن ايتقانىن، قىرعىزستان شەكاراسىنان تىس جەردە ەمدەلۋگە رۇقسات بەرىلگەنىن جەتكىزگەنىن جازدى.
2011-2017 جىلدارى قىرعىزستاندى باسقارعان المازبەك اتامبايەۆ 2019 جىلدىڭ 8 تامىزىندا شۋ وبلىسىنىڭ قوي-تاش اۋىلىنداعى رەزيدەنسياسىندا ارنايى وپەراسيا بارىسىندا ۇستالعان.
2020 جىلدىڭ جازىندا 2013 جىلى قىلمىس الەمىنىڭ سەركەسى ازيز باتۋكايەۆتى زاڭسىز بوساتۋ تۋرالى ءىس بويىنشا 11 جىل ەكى ايعا باس بوستاندىعىنان ايىرىلعان. كەيىننەن كەيبىر ايىپتاۋلار الىنىپ تاستالعان. 2022 جىلدىڭ ماۋسىمىندا "2020 جىلدىڭ قازان ايىندا بولعان بىشكەكتەگى جاپپاي تارتىپسىزدىكتەر" تۋرالى ءىس بويىنشا اقتالعان.
پىكىر قالدىرۋ