ۇقك شەكارا قىزمەتىنىڭ باسشىسى ەرلان الداجۇمانوۆ ارقانكەرگەن وقيعاسى جونىندەگى قىلمىستىق ءىستىڭ قايتا قارالۋىنا بايلانىستى پىكىر ءبىلدىرىپ، جۋرناليستەر سۇراعىنا جاۋاپ بەردى.
ونىڭ ايتۋىنشا اتالعان قىلمىستىق ءىس تولىعىمەن تەرگەلىپ، ويداعىداي جۇرگىزىلگەن. سونداي-اق سوت شەشىمىنىڭ اقىلعا قونىمدى بولعانىن ايتتى.
"بۇعان قاتىستى پىكىر ءبىلدىرۋ ارتىق دەپ ويلايمىن. سول جىلى قىلمىستىق ءىس تەرگەلدى. تولىعىمەن تەكسەرۋ جۇمىستارىن جۇرگىزدىك. ال ءقازىر ونىڭ (چەلاحتىڭ - رەد.) نە ايتقىسى كەلىپ وتىرعانىن بىلمەيمىن. تەرگەۋ تولىق جۇرگىزىلدى. ءىس لوگيكالىق سوڭىنا جەتتى. قانداي دا ءبىر مالىمدەمەلەر بولسا ناقتى نە تۋرالى ەكەنىن ءتۇسىنىپ كورۋ قاجەت"، دەپ پىكىر ءبىلدىردى ەرلان الداجۇمانوۆ.
بۇدان بولەك ول ارقانكەرگەن بەكەتىنىڭ قاجەتتىلىككە ساي جاز مەزگىلىندە اشىلۋى مۇمكىن ەكەنىن ايتتى.
2012 جىلى ۆلاديسلاۆ چەلاح ارقانكەرگەن شەكارا بەكەتىندە 15 ادامدى ءولتىردى دەگەن ايىپپەن ءومىر بويىنا سوتتالعان. بىلتىر جەلتوقسان ايىندا چەلاح پرەزيدەنت قاسىم-جومارت توقايەۆقا قايىرىلىپ، تەرگەۋ پروسەسىن قايتا جۇرگىزۋدى سۇراعان. ول 2012 جىلى مامىردا 15 ادامدى ولتىرمەگەنىن، شەكارا بەكەتىنە "شابۋىل جاسالعانىن"، ءوزىن "زاڭسىز سوتتاعانىن" جانە "شىندىقتى اشۋعا دايىن" ەكەنىن ايتقان.
پىكىر قالدىرۋ