سولتۇستىك قازاقستان وبلىسىنىڭ اكىمى ايداربەك ساپاروۆ حالىق اراسىندا قانداي ماماندار سۇرانىسقا ءيا ەكەنىن ايتتى، دەپ جازادى پەتروپاۆلوۆسك.news. 

ايداربەك ساپاروۆتىڭ ايتۋىنشا بيىل وبلىستا 10 مىڭ جۇمىس ورنى اشىلىپ، 24 مىڭ ادامدى جۇمىسپەن قامتۋ جوسپارلانعان. 

ءقازىر سقو-داعى زاۋىتتاردا "توكار" مەن دانەكەرلەۋشى ماماندارى جەتىسپەيدى. سوندىقتان وبلىس اكىمى اتالعان ماماندىقتار بويىنشا قىسقا مەرزىمدى كۋرستار ۇيىمداستىرىپ، ءبىرىنشى جارتىجىلدىقتا مامان جەتىسپەۋشىلىگىن توقتاتۋ تاپسىردى.

"قۇرىلىس جۇمىستارىنا تاس قالاۋشىلار جەتىسپەيدى. بۇل ماماندىقتى 2 ايدا يگەرۋگە بولادى. 1 مەتر جەرگە كىرپىش قالاۋ 18 مىڭ تەڭگە تۇرادى. 5 شارشى مەتر كىرپىش قالاپ، كۇنىنە 90 مىڭ تابۋعا بولادى. ال بىزگە مامان جەتىسپەيدى. مۇنداي ماماندىقتار حالىق اراسىندا كەڭىنەن ناسيحاتتالۋى قاجەت"، دەپ مالىمدەدى ايداربەك ساپارقۇلوۆ. 

سولتۇستىك قازاقستاندا حالىقتىڭ 6%-عا جۋىعى كۇنكورىس دەڭگەيىنەن تومەن جالاقى الادى. اۋىلداردا جۇمىسسىزدىق دەڭگەيى ارتقان. اسىرەسە ماعجان جۇمابايەۆ، عابيت مۇسىرەپوۆ، ەسىل جانە اققايىڭ اۋداندارىندا جۇمىسسىزدىق كوبەيگەن.