قارجى ۆيسە-مينيسترى ەرجان ءبىرجانوۆ قازاقستاندا جەكە تۇلعالاردىڭ بانكروتتىعى بويىنشا وتىنىشتەر قابىلداۋ 3 ناۋرىزدا باستالاتىنىن حابارلادى. ونىڭ ايتۋىنشا، بانكروتتىق بويىنشا وتىنىشتەر ەلەكترون فورماتتا تۇسە باستاعان.
"قارجى باسقارۋشىلارى بويىنشا مەملەكەتتىك قىزمەتتى قوستىق. سونداي-اق، مەملەكەتتىك ورگاندار مەن باسقا دا مەكەمەلەر رەتىندە 40 اقپاراتتىق جۇيەمەن ينتەگراسيالانعان جاڭا اقپاراتتىق جۇيە قۇرىلدى. ەكى رەت پيلوتتىق سىناق جانە جۇكتەمە سىناقتارى جۇرگىزىلدى. جۇيە جۇمىس ىستەپ تۇر. العاشقى وتىنىشتەردى قابىلداۋ 3 ناۋرىزدا باستالادى. جوعارى دەڭگەيدەگى قىزمەتكەرلەرىمىز بورىشكەرلەر ەڭ كوپ ايماقتارعا جىبەرىلەتىن بولادى"، دەدى ءبىرجانوۆ سەنات وتىرىسىندا.
2022 جىلدىڭ 30 جەلتوقسانىندا "قازاقستان رەسپۋبليكاسى ازاماتتارىنىڭ تولەم قابىلەتتىلىگىن جانە بانكروتتىعىن قالپىنا كەلتىرۋ تۋرالى" زاڭعا قول قويىلعان.
سوتتان تىس بانكروتتىق ءراسىمدى بانكتەر، ميكروقارجى ۇيىمدارى جانە كوللەكتورلىق اگەنتتىكتەر الدىنداعى قارىزدار بويىنشا قولدانۋعا بولادى.
الايدا تومەندەگى شارتتار ساقتالۋى ءتيىس:
-
بورىش 5،5 ملن تەڭگەدەن (1600 اەك) اسپايدى؛
- كرەديت 12 اي بويى وتەلمەگەن بولسا؛
-
مەنشىگىندە تىركەلگەن مۇلىك، ونىڭ ىشىندە ورتاق مەنشىكتەگى مۇلىك بولماعان جاعدايدا؛
-
بانكپەن رەتتەۋ جۇرگىزىلۋ كەرەك.
ماماندار ءوءزىن بانكروت دەپ جاريالاعان تۇلعا شىن مانىندە الداعى ۇش-بەس جىل بويى ەلدىڭ قارجى جۇيەسىنەن ايىرىلاتىنىن، قاتاڭ شەكتەۋ مەن باقىلاۋعا تاپ بولاتىنىن ايتادى.
پىكىر قالدىرۋ