جامبىل وبلىسىنىڭ پروكۋراتۋراسى «كوسپايەۆ» ۇيىمداسقان قىلمىستىق توپ مۇشەلەرىن مەملەكەتتىك شەكارادان وتكىزگەن تۇلعانى ۇستاعانىن حابارلادى.
قارجىلىق مونيتورينگ اگەنتتىگى ۇقت مۇشەلەرى شالين، يماشيەۆ جانە قوسپايەۆتى قك-تىڭ 249 (رەيدەرلىك) جانە 262-باپتارىمەن (ۇيىمداسقان قىلمىستىق توپ قۇرۋ جانە قاتىسۋ) ايىپتاپ، حالىقارالىق ىزدەۋ جاريالانعان.
جامبىل وبلىسى پروكۋراتۋراسىنىڭ مالىمەتىنشە، كۇدىكتىلەر ەلدەن جامبىل وبلىسىنىڭ اۋماعىندا ورنالاسقان مەملەكەتتىك شەكارا ارقىلى شىعىپ كەتكەن.
پروكۋراتۋرا دەرەگىنشە، كۇدىكتەلەر مەملەكەتتىك شەكارادان 2022 جىلعى 6 تامىزدا سورتوبە اۋىلىنىڭ ماڭىنداعى وزەننىڭ تاياز جەرى ارقىلى ءوتىپ كەتكەن. ولارعا كومەكتەسكەن ازامات انىقتالىپ، ۇستالعان.
"كۇدىكتى كىناسىن تولىق مويىندادى، سوتقا دەيىنگى تەرگەپ تەكسەرۋ جۇمىستارى جالعاستىرىلۋدا جانە پروكۋراتۋرانىڭ باقىلاۋىندا" دەلىنگەن حابارلامادا.
بەيرەسمي دەرەكتەردە كۇدىكتىلەردىڭ ءبىرى ەلدوس قوسپايەۆ بولات نازاربايەۆتىڭ وڭ قولى ەكەنى تۋرالى ايتىلادى. الايدا بولات نازاربايەۆ جەتەكشىلىك ەتەتىن "ساليقالى ۇرپاق" قورى نازاربايەۆتىڭ ەلدوس قوسبايەۆپەن بايلانىسىن جوققا شىعارادى.
پىكىر قالدىرۋ