رەسەي پرەزيدەنتى ۆلاديمير پۋتين رەسەي فەدەراسياسى ىدىراعان جاعدايدا ورىس حالقى ەتنيكالىق توپ رەتىندە جويىلىپ كەتۋى مۇمكىن ەكەنىن ايتتى. ونىڭ ايتۋىنشا، رەسەيدى ىدىراتۋ – باتىستىڭ باستى ماقساتتارىنىڭ ءبىرى.
"ەگەر ءبىز وسى جولمەن جۇرسەك، رەسەيدەگى كوپتەگەن حالىقتاردىڭ جانە ەڭ الدىمەن ورىس حالقىنىڭ تاعدىرى تۇبەگەيلى وزگەرۋى مۇمكىن. "ورىس حالقى" سياقتى ەتنوستىڭ بولاشاقتا ساقتالۋى دا ەكىتالاي" دەدى ول "روسسيا-1" تەلەارناسىنا بەرگەن سۇحباتىندا.
رەسەي فەدەراسياسى مەن باتىس اراسىنداعى تەكەتىرەس تۋرالى ءتىلشىنىڭ سۇراعىنا پۋتين اقش بۇرىننان بەرى بۇرىنعى كسرو ەلدەرىن تاراتۋدى جوسپارلارلاعانىن ايتتى.
"سوندا عانا ىدىراعان رەسەيدىڭ جەكەلەگەن بولىكتەرى باتىس قوعامىمەن بىرىگەدى" دەگەن ول باتىس مۇنداي جوسپارىن قاعازعا ءتۇسىرىپ قويعان دەپ سانايدى.
ول ءوز سوزىندە باتىس ەلدەرىن سوعىسقا ارالاسقانى ءۇشىن ايىپتادى. ءبىراق سوعىستىڭ باستالۋىنداعى رەسەيدىڭ ءرولى تۋرالى ەشتەڭە ايتپادى.
ونىڭ مالىمدەۋىنشە، ناتو ەلدەرى رەسەي مەن ۋكراينا اراسىنداعى سوعىسقا قاتىسۋشىلار، سەبەبى ولار ۋكراينانى تەگىن قارۋ-جاراقپەن قامتاماسىز ەتىپ وتىر.
"بۇل جاي عانا اسكەري-تەحنيكالىق ىنتىماقتاستىق ەمەس. ولار (ناتو ەلدەرى) ۋكرايناعا كومەكتەسكەنى ءۇشىن اقشا المايدى! دەمەك بۇل جاناما سىبايلاستىق" دەدى پۋتين.
دەرەككوز: "موسكۆا. كرەمل. پۋتين"
پىكىر قالدىرۋ