ەڭبەك مينيسترلىگى "كەدەيلىك شەگىنىڭ مولشەرىن انىقتاۋ تۋرالى" بۇيرىق دايىندادى

قۇجات قازاقستان بويىنشا كەدەيلىك شەگىن كەلەسىدەي انىقتايدى:

2023 جىلى 1 قاڭتاردان باستاپ – مەملەكەتتىك اتاۋلى الەۋمەتتىك كومەك تاعايىنداۋعا ءوتىنىش بەرگەن توقسانعا ەسەپتەلگەن ەڭ تومەنگى كۇنكورىس دەڭگەيىنىڭ 70% مولشەرىندە؛

2025 جىلعى 1 قاڭتاردان باستاپ – مەملەكەتتىك اتاۋلى الەۋمەتتىك كومەك تاعايىنداۋعا ءوتىنىش بەرگەن توقسانعا ەسەپتەلگەن مەديانالىق تابىستىڭ 50% مولشەرىندە.

ءسىم: قازاقستان ستراتەگيالىق شابۋىلداۋشى قارۋلاردى قىسقارتۋ جونىندەگى جاڭا شارتتىڭ تالقىسىن ۇسىنادى

مينيستر مۇحتار تىلەۋبەردى 2026 جىلدان كەيىن ستراتەگيالىق شابۋىلداۋشى قارۋلاردى قىسقارتۋ جونىندەگى جاڭا كەلىسىم تۋرالى ماسەلەنى تالقىلاۋ قاجەتتىگىن ايتتى.  ول سوڭعى جىل الەم ءۇشىن قاۋىپتىرەك بولا باستاعانىن اتاپ ءوتتى. 

الماتىدا ەكى كۇننەن بەرى جاڭا تۋعان نارەستەسىن تاستاپ كەتكەن انا ىزدەستىرىلۋدە

تۇرعىنداردىڭ ءبىرى وزەن بويىنان سەللوفانعا ورالعان ءسابيدىڭ دەنەسىن تاۋىپ العان. شاقالاقتىڭ كىندىگى دە كەسىلمەگەن. پوليسيا بۇعان قاتىستى قىلمىستىق ءىس قوزعالعانىن جەتكىزدى. ءقازىر ءسابيدىڭ اناسى ىزدەستىرىلىپ جاتىر. 

الەم جاڭالىقتارى 

اقش-تاعى توتەنشە جاعداي رەجيمى تاعى ءبىر جىلعا ۇزاردى

اقش پرەزيدەنتى دجو بايدەن ۋكرايناداعى قاقتىعىسقا بايلانىستى اقش-تاعى توتەنشە جاعداي رەجيمىن ءبىر جىلعا ۇزارتتى. تج رەجيمىن امەريكا قۇراما شتاتتارىنىڭ بيلىگى رەسەي فەدەراسياسىنا قارسى سانكسيالار قولدانۋدىڭ زاڭدى نەگىزى رەتىندە پايدالانادى.