بۇگىننەن باستاپ بانكروتتىققا ءوتىنىم قابىلداۋ باستالادى. ەرلان قارين رەسەيلىك مينيسترمەن كەزدەستى. نيدەرلاندتا رەسەي كونسۋلىن "قۋىپ شىقتى". بۇل تۋرالى تولىعىراق Qamshy.kz اقپارات اگەنتتىگى حابارلايدى.
قازاقستان جاڭالىقتارى
اقتاۋ اكىمىنە ايىپپۇل سالىندى
اقتاۋ اكىمدىگىنىڭ اقتاۋداعى جەر ۋچاسكەسىنىڭ نىسانالى ماقساتىن قولدانىستاعى "شارۋاشىلىق بلوگىن ورنالاستىرۋ جانە پايدالانۋ ءۇشىن" "تۇرعىن ءۇي كەشەنىنىڭ قۇرىلىسىنا"وزگەرتۋ تۋرالى شەشىم قابىلداماۋى اقشالاي ءوندىرىپ الۋعا سەبەپ بولعان. ناتيجەسىندە، وعان 172 500 تەڭگە كولەمىندە ايىپپۇل سالىنعان.
بانكروتتىققا ءوتىنىم قابىلداۋ باستالدى
بانكروتتىق راسىمدەردىڭ 3 ءتۇرى ەنگىزىلدى. ولار – سوتتان تىس بانكروتتىق، سوت ارقىلى بانكروتتىق جانە تولەم قابىلەتتىلىگىن قالپىنا كەلتىرۋ. اتالعان راسىمدەرگە تەك قارىز الۋشىنىڭ ءوزى باستاماشى بولا الادى، ياعني كرەديتوردىڭ بورىشكەردى بانكروت دەپ جاريالاۋ جايلى ءوتىنىش بەرۋگە قۇقىعى بولمايدى.
ماڭعىستاۋ وبلىسىنداعى اۋىل تاعى دا سۋسىز قالدى
ماڭعىستاۋ وبلىسى اتامەكەن اۋىلىنىڭ تۇرعىندارى سۋسىز قالدى. سۋ جەتكىزۋشىسىنىڭ زاۋىتتارعا قارىزى بولعاندىقتان اۋىل سۋسىز قالعان. سونداي-اق، اۋداننىڭ سۋ قۇبىرى جەلىلەرى جارتىلاي توزعانى انىقتالدى.
ەرلان قارين رەسەيدىڭ مادەنيەت ءمينيسترى ولگا ليۋبيموۆامەن كەزدەستى
كەزدەسۋدە ەكى ەل اراسىنداعى ونەر جانە مادەني ىنتىماقتاستىق ماسەلەلەرى تالقىلاندى. مەملەكەتتىك كەڭەسشى قازاقستان مەن رەسەي اراسىنداعى مادەني قارىم-قاتىناستاردىڭ ماڭىزى جونىندە اتاپ ءوتتى.
الەم جاڭالىقتارى
ەۋرووداق ەلدەرى گازدى بىرلەسىپ ساتىپ الۋعا كىرىسپەك
بۇل شارا ەنەرگەتيكالىق داعدارىستان شىعۋ ءۇشىن قولعا الىنىپ وتىر. جوسپار - ەو-عا مۇشە ەلدەردىڭ سۇرانىسىن بىرىكتىرۋ جانە ونى حالىقارالىق جەتكىزۋشىلەردىڭ ۇسىنىستارىمەن سالىستىرۋ. بۇل گاز باعاسىنىڭ تومەندەۋىنە اكەلەدى جانە شاعىن ەلدەرگە جاھاندىق باسەكەلەستىككە كومەكتەسەدى دەپ كۇتىلىپ وتىر.
نيدەرلاندتا رەسەيدىڭ قۇرمەتتى كونسۋلى وكىلدىگىن جابۋعا ءماجبۇر بولدى
رەسەيدىڭ قۇرمەتتى كونسۋلى كونستانتين ۆان فلوتەن اقپاننىڭ باسىنان باستاپ كونسۋلدىقتى ورنالاستىرعان ەلدىڭ وڭتۇستىگىندەگى لاندگرافتاعى سترايتاگەن سارايىنىڭ رەزيدەنسياسىنان كەتۋگە ءماجبۇر بولدى. كونسۋل جەرگىلىكتى باق-قا بەرگەن سۇحباتىندا رەسەي اگرەسسياسىن «بىتىمگەرشىلىك ميسسياسى» دەپ اتادى. وسىدان كەيىن كونسۋلدىقتى بەلسەندىلەر تالقانداپ، مااستريحتتەگى ۋكراين بوسقىندارى ۆان فلوتەنگە قارسى نارازىلىق تانىتتى.
2023 جىلدىڭ اقپانىندا ۆان فلوتەن كونسۋلدىقتى لاندگرافتاعى سارايىنا ورنالاستىردى.
پىكىر قالدىرۋ