بۇگىن دۇنيەجۇزىلىك جازۋشىلار كۇنى. وسى ورايدا Qamshy.kz اقپارات اگەنتتىگى شەتەل جانە قازاق جازۋشىلارى جايلى قىزىقتى دەرەكتەردى نازارلارىڭىزعا ۇسىنادى.

ونورە دە بالزاك

ول كەيىپكەرىنىڭ ءولىمىن سۋرەتتەپ جازۋ ءۇشىن ءوزى ولگەن سەكىلدى كەيىپ تانىتاتىن بولعان. سونداي ءساتتىڭ بىرىندە بولمەگە كىرگەن كۇتۋشىسى: "مىرزا ءولىم الدىندا!" - دەپ ايعايلاپ كومەك سۇرايدى. كۇتۋشى ايەل بالزاكتى ءولىم الدىندا دەپ ويلاعان. ال بالزاك باسىن كوتەرە سالا: "مەن ەمەس گوريو اكەي ولەيىن دەپ جاتىر"،- دەپتى.

انتون چەحوۆ

ونىڭ نەگىزگى ماماندىعى – دارىگەر. سوندىقتان ول ۇنەمى: "مەديسينا – مەنىڭ زاڭدى ايەلىم، ال ادەبيەت – ناقسۇيەرىم"، – دەپ قالجىڭداعان.

ەدگار اللان پو

جازۋشى بالا كەزىندە ەسەپ شىعارۋدى زيرات باسىندا ۇيرەنگەن. وقىعان مەكتەبىنىڭ جاعدايى تومەن بولعان. سول سەبەپتى ماتەماتيكا ءمۇعالىمى ولگەن ادامداردىڭ قانشا جىل ءومىر سۇرگەنىن ەسەپتەپ شىعۋى ءۇشىن بالالاردى زيراتتا وقىتقان.

دجوناتان سۆيفت

ول "گۋلليۆەردىڭ ساياحاتتارى" كىتابىندا  سپۋتنيكتەردىڭ ولشەمى مەن اينالۋ جىلدامدىعىن عالىمداردان 100 جىل بۇرىن دالمە-دال جازىپ كەتكەن.

جۇسىپبەك ايماۋىتوۆ

ونىڭ قىزى كوپ ۋاقىتقا دەيىن ءوز ەسىمىن ماريا دەپ ويلاپ كەلگەن. الايدا شىن اتى ءمارۋا ەكەنىن اكەسىنىڭ حاتتارىن زەرتتەگەن تاريحشىلاردان بىلگەن. 

يلياس ەسەنبەرلين

اتاقتى "كوشپەندىلەر" تريلوگياسىن سوڭعى 3 تومىنان باستاپ جازعان.

عابيت مۇسىرەپوۆ

جازۋشىنىڭ "ۇلپان" رومانىنداعى شىنار مەن مۇسىرەپ – اتا-اجەسىنىڭ ءپروتوتيپى بولعان. 

مۇحتار اۋەزوۆ

سەنزۋراعا ۇشىراماس ءۇشىن "اباي جولى" رومانىنىڭ كوپ بولىگىن قايتا جازىپ شىققان.