جاپونيا 35 جىلدان كەيىن ارالدارىن قايتا سانادى. CNN ارناسىنىڭ حابارلاۋىنشا، ارال سانى بۇرىنعى ەسەپكە قاراعاندا 7 مىڭعا ارتىق بولىپ شىققان.
جاپونيانىڭ مەملەكەتتىك گەوكەڭىستىكتىك اقپارات پالاتاسى (GSI) زەرتتەۋ جۇرگىزىپ، ەل اۋماعىندا 14 125 ارال بار ەكەنىن انىقتادى. بۇل بۇرىنعى بولجامنان ەكى ەسەگە ارتىق. جاپون بيلىگى ەلدەگى ارالداردى سوڭعى رەت 1987 جىلى ساناعان.
GSI ءوز بايانداماسىندا تەحنولوگيانىڭ دامۋىنا جانە سيفرلىق كارتا دالدىگىنىڭ ارتۋىنا بايلانىستى دەرەكتەر وزگەرگەنىن اتاپ كورسەتەدى.
"ەل اۋماعى وزگەرمەدى، جاڭا نەمەسە جاساندى ارالدار ەنگىزگەن جوقپىز. تولىققاندى ارال دەپ تانۋ ءۇشىن جەر ۋچاسكەسىنىڭ اۋدانى قانداي بولۋى كەرەك ەكەنىن انىقتايتىن ءبىرىڭعاي حالىقارالىق شارتتار جوق. سوندىقتان وسىدان 35 جىل بۇرىنعى ولشەمدەردى قايتا قولداندىق"، دەپ حابارلايدى زەرتتەۋ اگەنتتىگى.
ءبىراق جاپونيا وزگە مەملەكەتتەر تالاسقان كەيبىر ارالدارعا قاتىستى داۋدى ءالى شەشە الماي كەلەدى.
پىكىر قالدىرۋ