قوعام بەلسەندىسى، حيميك، استانا قالاسىنداعى№90 گيمنازيا مەكتەبىنىڭ ديرەكتورى اياتجان احمەتجان سايلاۋدان شەتتەتىلگەنىن مالىمدەدى. بۇل تۋرالى ول ءوزىنىڭ فەيسبۋك پاراقشاسىنا جازدى. 

وعان استانا قالاسى ءماسليحاتى بويىنشا 9 وكرۋگ حاتشىسى حابارلاسىپ سايلاۋدان شەتتەتىلگەنىن ايتقان. قوعام بەلسەندىسىنىڭ كانديداتتىعىنىڭ الىنۋىنا "سالىق دەكلاراسياسىندا نەسيە العانىڭىزدى جاسىرۋى" سەبەپ بولعان. 

"جاپ-جاڭا، ادىلەتتى قازاقستان سايلاۋدان شەتتەتتى. كرەديت دەگەن مۇلىك پە؟ ونى قالاي كورسەتۋدى دە بىلمەيدى ەكەنمىن. دەكلاراسيانى تەكسەرۋ ۋاقىتى اياقتالىپ كەتكەن جوق پا؟ وسى ۋاقىتقا دەيىن ۇيىقتاپ جاتتى ما؟"، – دەپ جازدى اياتجان احمەتجان.

ەسكە سالا كەتەيىك، وسىعان دەيىن اياتجان احمەتجان استانا قالاسى ءماسليحاتىنىڭ دەپۋتاتتىعىنا ۇمىتكەر بولعان ەدى.