قازاقستاندا مىندەتتى بەينەباقىلاۋ جۇيەسى ورناتۋ ەرەجەلەرى بەكىتىلدى، دەپ حابارلايدى باس پروكۋراتۋرانىڭ باسپا ءسوز قىزمەتى. كامەرانىڭ بەينەجازبالارىن ادۆوكاتتار، جابىرلەنۋشىلەر، كۇدىكتىلەر، ايىپتالۋشىلار، سوت جانە باسقا ورگاندار دالەل رەتىندە پايدالانا الادى.
"بەينەباقىلاۋ جۇيەلەرى جەكە گيگيەنا ورىندارىن قوسپاعاندا، كەلۋشىلەردىڭ ءجۇرۋ مارشرۋتتارى مەن رەجيمدىك كابينەتتەردى دە قامتيدى. ناقتى ۋاقىت رەجيمىندە بەينەجازبالاردى قاشىقتان قاراۋعا جانە بۇزۋشىلىقتاردىڭ جولىن كەسۋ جونىندە جەدەل شارالار قابىلداۋعا قۇقىعى بار ادامداردىڭ تىزبەسى قالىپتاستىرىلدى"، - دەلىنگەن رەسمي حابارلامادا.
بۇدان بىلاي پوليسيا عيماراتتارى، تەرگەۋ يزولياتورلار مەن تۇرمەلەردە بەينەباقىلاۋ جۇيەسى ورناتىلۋى قاجەت. كامەرا دارەتحانا بولمەلەرىنە عانا ورناتىلمايدى. ال قالعان جەرلەرگە، اتاپ ايتساق، ورگان مەكەمەلەرىنە كەلەتىن ادامداردىڭ جۇرەتىن جەرلەرىندە، رەجيمدىك كابينەتتەرگە تۇگەل باقىلاۋ كامەرالارى ورناتىلماق.
"بۇل شارالار قازاقستان راتيفيكاسيالاعان ازاپتاۋعا قارسى حالىقارالىق اكتىلەرگە سايكەس كەلەدى جانە تەرگەۋدىڭ رۇقسات ەتىلمەگەن ادىستەرىنە قارسيا باعىتتالعان”، - دەپ حابارلادى باس پروكۋراتۋرا
پىكىر قالدىرۋ