حالىقارالىق ىزدەۋ جاريالانعان قارجى پيراميداسىنىڭ باسشىسى ۋكراينادان قازاقستانعا ەكستراديسيالاندى. ول 2017-2018 جىلدارى تۇرعىن ءۇي الىپ بەرۋگە ۋادە بەرىپ، 85 ملن تەڭگەدەن استام قارجى جىمقىرعان.
كەيىن ەلدەن قاشىپ كەتكەندىكتەن، وعان حالىقارالىق دەڭگەيدە ىزدەۋ جاريالاندى.
بيىل قاڭتار ايىندا ۋكراينانىڭ قۇقىققورعاۋ ورگاندارى كۇدىكتىنى ۇستالعانىن حابارلاعان.
"بۇگىن باس پروكۋراتۋرا مەن ينتەرپول قىزمەتكەرلەرى شەتەلدىك ارىپتەستەردىڭ كومەگىمەن ك. ەسىمدى ازاماتتى قازاقستانعا ەكستراديسيالاپ، استانا قالاسىنىڭ ۋاقىتشا ۇستاۋ يزولياتورىنا قامادى"، - دەپ حابارلادى باس پروكۋراتۋرانىڭ باسپا ءسوز قىزمەتى.
ۇستالعان ازامات 5-12 جىل ارالىعىندا باس بوستاندىعىنان ايىرىلۋى مۇمكىن.
پىكىر قالدىرۋ