ماسليحات سايلاۋىنا ۇمىتكەر اياتجان احمەتجان ۇلى سايلاۋالدى ۇگىت-ناسيحاتتى جالعاستىرا بەرەتىنىن ايتتى. 

"سايلاۋ كوميسسياسى ءماجىلىس پەن ءماسليحاتتى اجىراتا المايدى! مەنى سايلاۋدان شەتتەتۋ تۋرالى اڭگىمەنى ەستىگەندە وسىندا ءبىراز جۇرت قوجاناسىردىڭ ارقانعا سۋ قۇيعانى تۋرالى كۇلدىرگىنى جازىپ ەدى. ءدال سولاي بولدى.
مىناۋ سۋرەت مەنى سايلاۋدان شەتتەتۋ تۋرالى قاۋلى. قاۋلىعا قاراساڭىز قازاقستان رەسپۋبليكاسى سايلاۋ تۋرالى زاڭنىڭ 89 بابىنىڭ 3-4 تارماعى بويىنشا شەتتەتكەن. ال بۇل باپتىڭ ءماسليحاتقا دىم قاتىسى جوق، ءماجىلىس دەپۋتاتىنا كانديداتقا ارنالعان باپ. ال، مەن ماجىلىسكە ەمەس، ءماسليحاتقا كانديداتپىن"، دەپ جازدى اياتجان احمەتجان ۇلى ءوزىنىڭ فەيسبۋك پاراقشاسىندا. 

ول دەكلاراسيا بويىنشا مەملەكەتتىك كىرىستەر دەپارتامەنتىنە شاعىم جازعان. 

"قازىرگە جاۋاپ جوق، ارينە سوزۋعا تىرسادى عوي. ولاردىڭ جاۋابىن الساق، بىردەن جوعارى سوتقا جازامىز. ءبىراق، قاۋلىنىڭ ءوزى زاڭسىز بولسا... تۇسىنىكتى شىعار. ۇگىت ءناسيحاتتى جالعاستىرا بەرەمىن. سەبەبى، بىزدە سوتپەن جەڭۋگە تولىق مۇمكىندىك بار. سايلاۋعا ساناۋلى كۇن قالدى. ءبىر كۇن بۇرىن قالعاندا كۋالىگىمىزدى قايتا بەرىپ، ۇگىت جۇرگىزىپ ۇلگەرمەي قالماس ءۇشىن ۇگىتتى قايتا كۇشەيتەمىز"، دەدى قوعام بەلسەندىسى.