قازاقستاندا ءبىر اپتادا 2،7 مىڭ شەتەل ازاماتىنا زاڭسىز جۇمىس بەرىلگەنى انىقتالىپ، 471 جۇمىس بەرۋشى جاۋاپقا تارتىلدى. بۇل تۋرالى ىشكى ىسستەر مينيسترلىگى حابارلادى. 

"سەگىز كۇندە 9،2 مىڭنان استام كوشى-قون زاڭناماسىن بۇزۋ فاكتىسى انىقتالدى. كەيدە جۇمىس بەرۋشىلەر پايدا تابۋ ماقساتىندا شەتەلدىكتەردى جۇمىسقا زاڭسىز قابىلدايدى. وسىلايشا ءوز ازاماتتارىمىزدى ەڭبەك ەتۋ مۇمكىندىگىنەن ايىرادى"، - دەپ مالىمدەدى ىشكى ىستەر مينيسترلىگىنىڭ وكىلى شۇعىلا تۇرلىبەك.

الماتى جانە اتىراۋ قالاسىنداعى قۇرىلىس نىساندارىندا 145 شەتەلدىك زاڭسىز جۇمىس ىستەگەن. وسىعان ۇقساس فاكتىلەر استانا، شىمكەنت، تۇركىستان جانە شىعىس قازاقستان وبلىستارىندا تىركەلدى. ءقازىر سوتقا دەيىنگى تەرگەۋ جۇرگىزىلۋدە.

ۇستالىپ، ەل اۋماعىنان شىعارىلعان شەتەل ازاماتتارى  5 جىلعا دەيىن قازاقستانعا كىرە المايدى.