ەڭبەك نارىعىنداعى گەندەرلىك جاعدايدى تالداۋ ناتيجەسىندە قازاقستاندىق ايەلدەر ەرلەرگە قاراعاندا 20%-عا از جالاقى سۇرايدى، دەپ حابارلايدى HeadHunter.

ايەلدەر اراسىندا ەڭ تانىمال ماماندىق – ەسەپشى بولسا، ەركەكتەر اراسىندا – جۇرگىزۋشى. ءارى ايەلدەردىڭ جۇمىس بەرۋشىدەن تالاپ ەتەتىن جالاقىسى ەركەكتەرگە قاراعاندا 20% تومەن. 

"ايەلدەر سۇرايتىن جالاقىنىڭ ءارتۇرلى بولۋىنا كوپتەگەن فاكتور اسەر ەتۋى مۇمكىن. سولاردىڭ ءبىرى، ەرلەردىڭ تۇيىندەمەلەرى ايەلدەرگە قاراعاندا كوپ. مىسالى اقپاراتتىق تەحنولوگيالار، توپ-مەنەدجمەنت، لوگيستيكا، اۆتوموبيل بيزنەسى سياقتى سالالاردا ەرلەردىڭ تۇيىندەمەسى كوبىرەك"، - دەدى ونلاين پلاتفورما ساراپشىلارى.

بۇدان بولەك ساۋالناما قورىتىندىسى بويىنشا جۇمىس بەرۋشىلەردىڭ 96%-ى قىزمەتكەر تاڭداعان كەزدە ەر نەمەسە ايەل دەپ بولگەن. ولاردىڭ مۇنداي قادامعا بارۋىنا لاۋازىمدى قىزمەتتى ەر ادام عانا ىستەي الادى دەگەن ستەرەوتيپ پەن ايەلدەردىڭ كەز كەلگەن ۋاقىتتا دەكرەتتىك دەمالىسقا شىعىپ كەتەدى دەگەن وي سەبەپ بولعان. سول سەبەپتى جۇمىس بەرۋشىلەر ەر اداممەن جۇمىس ىستەگىسى كەلەدى. 

ال ايەلدەر جۇمىس بەرۋشىمەن كەزدەسۋ كەزىندە وتباسىلىق جاعدايىنا قاتىستى سۇراقتاردىڭ ءجيى قويىلاتىنىنا شاعىمدانعان.