«AMANAT» پارتياسى 8 ناۋرىز – ايەلدەردىڭ حالىقارالىق مەرەكەسىنە وراي «ءبىر تولقىندا» كونسەرتىن ۇيىمداستىردى. ءىس-شارا ەلورداداعى «حان شاتىر» ساۋدا ويىن-ساۋىق ورتالىعىندا ءوتتى. كونسەرتكە 10 مىڭعا جۋىق كورەرمەن جينالدى.
استانا قالاسىنىڭ تۇرعىندارى مەن قوناقتارىنىڭ الدىندا تانىمال قازاقستاندىق ەسترادا جۇلدىزدارى ونەر كورسەتتى. ولاردىڭ قاتارىندا تۇرار ىدىرىس، قازىبەك قۇرايىش، Ziru، قوبىلاندى مەن مانسۇر، مۇحاممەدالى جۇگىنىسوۆ جانە Zein بولدى.
ءىس-شارا بارىسىندا «AMANAT» پارتياسىنىڭ رەسپۋبليكالىق سايلاۋالدى شتابىنىڭ مۇشەلەرى وتانداستارىمىزدى مەرەكەمەن قۇتتىقتاپ، 19 ناۋرىزدا وتەتىن ق ر پارلامەنتى ءماجىلىسى مەن بارلىق دەڭگەيدەگى ءماسليحاتتار سايلاۋىندا داۋىس بەرۋگە شاقىردى.
«AMANAT» پارتياسىنىڭ اتقارۋشى حاتشىسى ەلنۇر بەيسەنبايەۆ الداعى سايلاۋ مەملەكەت باسشىسى قاسىم-جومارت توقايەۆتىڭ باستاماسىمەن ىسكە اسىپ جاتقان اۋقىمدى ساياسي رەفورمالاردىڭ لايىقتى جالعاسى ەكەنىن اتاپ ءوتتى.
«ءبىزدىڭ سايلاۋالدى باعدارلامامىزدىڭ اۆتورى – حالىق! بۇل قۇجات – سايلاۋشىلاردان كەلىپ تۇسكەن 200 مىڭنان استام ۇسىنىس-پىكىردىڭ ناتيجەسى. ءبىز اسان قايعىنىڭ جەرۇيىعى مەن ءال-فارابيدىڭ ىزگى قوعام يدەياسىن، ابايدىڭ تولىق ادام كونسەپسياسىن، الاش ارىستارىنىڭ ۇلى مۇراتتارىن ۇلگى-ونەگە تۇتامىز. اتا-بابالارىمىزدىڭ ءىسىن وتانسۇيگىش، ءبىلىمدى ءارى سانالى جاستار جالعاستىرادى. بارشاڭىزدى وسى قۇندىلىقتاردى قورعايتىن جانە قوعامنىڭ يگىلىگى ءۇشىن جۇمىس ىستەيتىن «اماNات» پارتياسىنا داۋىس بەرۋگە شاقىرامىن. نار تاۋەكەل!»، – دەدى ول.
ءوز كەزەگىندە، ق ر پارلامەنتى ءماجىلىسى دەپۋتاتتىعىنا كانديدات، پاراليمپياداشى سيەۆدا الييەۆا ەلىمىز دامۋدىڭ جاڭا كەزەڭىنە قادام باسقانىن اتاپ ءوتتى.
«ءبىز – مۇگەدەكتىگى بار ادامدار، بەلسەندى ءومىر سۇرگىمىز كەلەدى. بارلىق سالادا ەڭبەك ەتكىمىز، ەل اۋماعىندا ەركىن ءجۇرىپ-تۇرعىمىز كەلەدى. بۇل مۇمكىندىكتەر ءبىزدىڭ سايلاۋالدى باعدارلامامىزدا انىق جازىلعان. ياعني، كەدەرگىسىز ورتا قۇرۋ، جاردەماقى مولشەرىن ارتتىرۋ، ەرەكشە بالالارعا ارنالعان ورتالىقتار اشۋ، الەۋمەتتىك قىزمەتتەر پورتالىن جاقسارتۋ باستامالارىنا ەرەكشە ءمان بەرەمىز. قازاقستاندا شامامەن 700 مىڭعا جۋىق ەرەكشە قاجەتتىلگى بار ادام ءومىر سۇرەدى. ەگەر ءسىز مۇگەدەكتىگى بار ادامداردىڭ تاعدىرىنا بەي-جاي قارامايتىن بولساڭىز، 19 ناۋرىزدا سايلاۋعا كەلىپ، «AMANAT»-قا داۋىس بەرۋىڭىزدى سۇرايمىن»، – دەدى ول.
ق ر پارلامەنتى ءماجىلىسى دەپۋتاتتىعىنا كانديدات، ساياساتتانۋشى دينارا ءسادۋاقاسوۆا پارتيا گەندەرلىك تەڭدىك قالىپتاستىرۋدى كوزدەيتىنىن جانە جالاقى مەن لاۋازىم ادامنىڭ جىنىسىنا ەمەس، داعدىسىنا قاراي ءبولىنۋى ءتيىس ەكەنىن اتاپ ءوتتى.
«پارتيا ايەلدەر قاۋىمىن ۇنەمى قولداپ كەلەدى. ماسەلەن، جاقىندا العاش رەت ايەلدەر فورۋمى ءوتتى. سونداي-اق پارتيا جانىنان ايەلدەر قاناتى قۇرىلادى. مەن سياقتى قىزداردىڭ دەپۋتات بولۋعا مۇمكىندىگى پايدا بولدى. پارتيا شاكىرتاقى مولشەرىن كوتەرۋگە دە، گرانت سانىن ارتتىرۋعا دا، جاتاقحانا سالۋعا دا اتسالىسادى. پارتيا مۇنىڭ ءبارىن جاستار قاۋىمى ءۇشىن جاساپ جاتىر. سوندىقتان، «AMANAT»-قا داۋىس بەرەتىن بولساڭىزدار، پارتيا وسىنداي يگى ىستەرىن ارى قاراي جالعاسىتاردى»، - دەدى ول.
ۇگىت-ناسيحات ناۋقانى باستالعالى بەرى پارتيالىقتار 2،5 ملن قازاقستاندىق قاتىسقان 20 مىڭ ءىس-شارا وتكىزدى. قوعامدىق قابىلداۋ بولمەلەرىنە سايلاۋشىلاردىڭ 15 مىڭعا جۋىق ۇسىنىس-پىكىرى كەلىپ ءتۇستى.
ايتا كەتەيىك، «AMANAT»-تىڭ رەسپۋبليكالىق سايلاۋالدى شتابىنىڭ قۇرامىنا پارتيانىڭ 486 بەلسەندى جاقتاۋشىسى كىردى. 226 وڭىرلىك جانە اۋماقتىق سايلاۋالدى شتابتارعا 7،5 مىڭعا جۋىق ادام جۇمىلدىرىلدى. بۇل جۇمىسقا ۇمىتكەرلەردىڭ 27 مىڭنان استام سەنىمدى وكىلدەرى قوسىلدى.
«AMANAT» پارتياسى مۇشەلەرىنىڭ 60%-دان استامى – ايەلدەر. سايلاۋداعى پارتيالىق ءتىزىمنىڭ ۇشتەن ءبىرىن قىز-كەلىنشەكتەر قۇراپ وتىر.
ەسكە سالا كەتەيىك، بۇعان دەيىن 7 اقپاندا «AMANAT» پارتياسىنىڭ كەزەكتەن تىس XXV سەزى ءوتىپ، ونىڭ قورىتىندىسى بويىنشا پارتيا بارلىق دەڭگەيدەگى ءماسليحاتتارعا 3821 جانە ق ر پارلامەنتى ماجىلىسىنە 119 كانديدات ۇسىندى. ەلىمىزدىڭ وكىلەتتى ورگاندارىنداعى «AMANAT» پارتياسىنىڭ كانديداتتارى 75%-عا جاڭاردى.
رەسپۋبليكالىق جانە 20 وڭىرلىك سايلاۋالدى باعدارلامالاردىڭ تولىق ماتىنىمەن، سونداي-اق «AMANAT» پارتياسىنان دەپۋتاتتىققا كانديداتتاردىڭ تىزىمىمەن «https://amanat2023.kz» سايتىنان تانىسۋعا بولادى.
دايىنداعان: "AMANAT" پارتياسىنىڭ باسپا ءسوز قىزمەتى
تاپسىرىس بەرۋشى: م.ج. وسپانوۆ
“AMANAT” پارتياسىنىڭ سايلاۋ قورى قاراجاتى ەسەبىنەن تولەندى.
پىكىر قالدىرۋ