الماتىدا 8 ناۋرىزعا وراي فەمينيستتىك ۇيىمداردىڭ ۇيىمداستىرۋىمەن تۇرمىستىق زورلىق–زومبىلىققا قارسى رۇقسات ەتىلگەن ميتينگ ءوتتى. ۇيىمداستىرۋشىلار قاتارىندا ماسليحات ۇمىتكەرى جانار سەكەربايەۆا دا بار. 

فەمينيستەر ميتينگتە تۇرمىستىق زورلىق-زومبىلىق پەن دەنە اۆتونومياسى ءۇشىن كۇرەس تاقىرىبىن العان.

"ايەلدىڭ 40 جانى جوق"، "ايەل باستاعان كوش العا"، "زورلىق وتباسىدان باستالادى" سىندى ۇرانداردى كوتەرگەن قىز-كەلىنشەكتەر ەلدەگى زورلىق-زومبىلىقتى توقتاتىپ، ايەل قۇقىعىن قورعاۋدى تالاپ ەتتى. شەرۋشىلەر اراسىنان "شىمكەنت پەن تۇركىستانداعى پەدوفيليانى كىم توقتاتادى؟" دەگەن جازۋدى دا بايقاۋعا بولادى.

ماسليحات ۇمىتكەرى، "فەمينيتا" ۇيىمىن قۇرۋشىلاردىڭ ءبىرى جانار سەكەربايەۆا:

"تۇرمىستىق زورلىق-زومبىلىق تۋرالى زاڭ پارلامەنتتە قاراستىرىپ جاتقانىنا 3 جىلدان استى. ءبىراق ءالى كۇشىنە ەنگەن جوق. ەركەكتەر اسكەرگە بارعاندا عانا ءوز قاۋىپسىزدىگى ءۇشىن قورقاتىن شىعار. ال ايەلدەر ءومىر بويى قورقىپ وتەدى. تۇندە ءجۇرۋ بىزگە قاشانعا دەيىن قورقىنىشتى بولۋ كەرەك؟"، دەپ مالىمدەدى شەرۋ الاڭىندا.

سونىمەن قاتار فەمينيستتىك مارش بۇگىن بىشكەكتە دە بولىپ جاتىر. ال 8 ساۋىردە استانا قالاسىندا وتەدى.